30-hadovy miančuk Siarhiej Karčycki nazyvaje siabie hiejmieram, ścipła dadajučy — «žrec Fartuny i Intelektu». Siarhiej vypuskaje časopis «Novaja ekonomika», dzie plažyć amerykanizm i svabodny rynak. I, naturalna, hulaje ŭ siohi, jakija ŭvažaje za srodak parazumieńnia čałaviectva: «Sumnieŭna, što z zadačaj jadnańnia spravicca mova hamburhieraŭ i Halivudu».
30-hadovy miančuk Siarhiej Karčycki nazyvaje siabie hiejmieram, ścipła dadajučy — «žrec Fartuny i Intelektu». Siarhiej vypuskaje časopis «Novaja ekonomika», dzie plažyć amerykanizm i svabodny rynak. I, naturalna, hulaje ŭ siohi, jakija ŭvažaje za srodak parazumieńnia čałaviectva: «Sumnieŭna, što z zadačaj jadnańnia spravicca mova hamburhieraŭ i Halivudu».
Letašni čempijanat Biełarusi pa siohach pakinuŭ uražańnie samadastatkovaści i peryferyjnaści: u krainie mała japanistaŭ, a niezarehistravanaj Biełaruskaj asacyjacyi siohaŭ nie pad siłu arandavać navat Pałac šachmat i šašak. Tym nia mienš, pry kancy hodu pieramožca čempijanatu BAS upieršyniu pazmahaŭsia ŭ mižnarodnym turniry. Pavodle S.Karčyckaha, u Tokijo jon pačuvaŭsia svaim:
— Samaj cikavaj była partyja z Dajske Suzuki — ź pieršaj dziasiatki suśvietnych «profi». U seansie adnačasovaj hulni, arhanizavanym dla čempijonaŭ Biełarusi, Rasiei, Ukrainy, ja pieramoh słavutaha hulca (rasiejec i ŭkrainiec prajhrali). Ale Suzuki davaŭ nam turu napierad: prafesijanały z amatarami biaz fory nie zmahajucca. Nastupny fest zaplanavany na 2007 hod: spadziajusia vystupić i tam.
Ci jość u siohi ŭ Biełarusi budučynia? Hutaračy z čalcami Biełaruskaj federacyi šachmat, zaŭvažaješ ščyry intares da pierastanoŭki fihurak z hierohlifami. Choć David Branštejn, jaki zavitaŭ u klub «Viaśnianka» na tradycyjny blicturnir, skazaŭ karespandentu «NN», što pa-raniejšamu addaje pieravahu klasyčnym eŭrapiejskim šachmatam. «I hałoŭnaje ŭ ich — fantazija», — zaznačyŭ jon. Darečy, pieramoh u kaladnym spabornictvie hrosmajstar Siarhiej Azaraŭ: 5,5 bała z 7.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała17
Kamientary