У Расіі затрымалі французскага веласіпедыста. Ён хацеў пабіць сусветны рэкорд, праехаўшы ад Лісабона да Уладзівастока
Ва Уладзівастоку затрымалі французскага спартоўца Сафіяна Сехілі, які спрабаваў усталяваць сусветны рэкорд па перасячэнні Еўразіі на ровары, піша «Новая газета. Еўропа» са спасылкай на Le Monde.
У ліпені Сехілі пачаў маршрут у Лісабоне. Ён праехаў Таджыкістан, Манголію, Кітай і планаваў завяршыць шлях у расійскім Уладзівастоку. Аднак 2 верасня ён распавёў у «сторыс», што яго спынілі мытнікі на расійска-кітайскай мяжы.
«Правал, які адбыўся так блізка да мэты, — гэта сумна. Цяпер у мяне ёсць дзесяць месяцаў, каб вырашыць, ці хачу я зноў пабіць гэты рэкорд… ці ён назаўсёды застанецца няўдачай», — напісаў ён.
Паводле Le Monde, 44-гадовы француз Сафіян Сехілі затрыманы па абвінавачванні ў незаконным перасячэнні мяжы. Выданне L’Equipe піша, што веласіпедыст двойчы спрабаваў уехаць на тэрыторыю Расіі праз дзве мяжы, размешчаныя на адлегласці 200 кіламетраў адна ад адной. Рэгіянальныя МУС і аддзяленні Следчага камітэта пакуль не паведамлялі пра затрыманне. Французскае консульства аказвае мужчыну падтрымку.
На сваёй старонцы ў інстаграме Сехілі распавядаў падрабязнасці свайго падарожжа. Апошняе відэа ён выклаў 1 верасня — на той момант веласіпедыст знаходзіўся ў 400 км ад Уладзівастока і разлічваў апынуцца там ужо на наступны дзень. Усяго Сехілі праехаў больш за 17 600 км.
Сафіян Сехілі ў 2011 годзе пакінуў кар’еру дакументаліста і захапіўся веласпортам. Ён удзельнічаў прыблізна ў дваццаці буйных гонках і стаў пераможцам адзінаццаці з іх, пачынаючы з Tour Divide — гонкі працягласцю 4500 кіламетраў ад Канады да мяжы з Мексікай.
Сехілі спрабаваў пабіць рэкорд перасячэння Еўразіі. У 2017 годзе яго ўстанавіў немец Ёнас Дэйхман, які праехаў 14 331 км за 64 дні. «Гэта было самае складанае, што я калі-небудзь рабіў», — успамінае ён.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
>так блізка да мэты, — гэта душаразрыўна ---- ?!!!!!!!!!
так блізка да ЦЭЛІ, — гэта ЖАХЛІВА
душераздирающий
(о крике ) немы (ужасающий) жахлівы, страшэнны
душераздирающая сцена — жахлівая (страшэнная) сцэна
>распавёў у «сторыс», ---- Я НЕ РАЗУМЕЮ, ШТО ЁН ЗРАБІЎ