Biełaruski žurnalist polskaha pachodžańnia, što znachodzicca za kratami, staŭ kandydatam ad hrupy ECR (European Conservatives and Reformists) na premiju Sacharava za svabodu dumki 2025 hoda
«Naša naminacyja hetaj advažnaj i natchnialnaj asoby pakazvaje našu niepachisnuju padtrymku demakratyčnych hałasoŭ apazicyi ŭ dyktatarskaj Biełarusi», — skazała Małhažata Hasieŭskaja, staršynia delehacyi pa suviaziach ź Biełaruśsiu ŭ Jeŭrapiejskim parłamiencie
Premija Sacharava za svabodu dumki — heta štohadovaja ŭznaharoda Jeŭrapiejskaha parłamienta, jakaja pryznačajecca asobam abo arhanizacyjam, jakija adstojvajuć pravy čałavieka i svabodu mierkavańniaŭ. Nazvanaja ŭ honar savieckaha fizika i pravaabaroncy Andreja Sacharava, i pryznanaja adnoj z samych prestyžnych premijaŭ u pravaabarončaj halinie. Pieršymi łaŭreatami premili stali ŭ 1988 hodzie viazień na toj momant Nielsan Mandeła i ŭkrainski dysident Alaksandr Marčanka.
Ad Biełarusi łaŭreatami premii byli Biełaruskaja asacyjacyja žurnalistaŭ (2004), Alaksandr Milinkievič (2006), biełaruskaja apazicyja (2020). U minułym hodzie łaŭreatami premii stali lidary vieniesuelskaj apazicyi Maryja Karyna Mačada i Edmunda Harsija Hansales.
Kamientary