Dva rasijskija drony ŭpali ŭ Brahinskim rajonie, adzin vybuchnuŭ
Dva rasijskija drony ŭpali ŭ haradskim pasiołku Kamaryn u Brahinskim rajonie, piša vydańnie «Fłahštok». Zdareńnie adbyłosia 1 kastryčnika, adnak praz zabaronu na raspaŭsiud infarmacyi viadoma pra heta stała tolki zaraz.
1 kastryčnika rasijskija BpŁA ŭpali ŭ pamiežnym haradskim pasiołku Kamaryn Brahinskaha rajona, piša «Fłahštok».
U toj dzień manitorynhavyja kanały paviedamlali pra rasijskija drony ŭ pavietranaj prastory Biełarusi padčas čarhovaj rasijskaj masiravanaj ataki. U 16:55 telehram-kanał «jeRadar» prainfarmavaŭ, što kala Chojnikaŭ u kirunku Žytomirskaj vobłaści Ukrainy ruchajucca 2 drony. Raniej, kala 16:25, dron pralacieŭ nad Brahinam. Nieŭzabavie, u 18:05, kanał «Rynda manitoryć» paviedamiŭ pra vylet adnaho BpŁA ź Biełarusi kursam na Čarnobyl.
Akazałasia, što dva drony tady ŭpali ŭ Kamarynie.
Pavodle słoŭ miascovych žycharoŭ, adzin ź ich upaŭ niedaloka ad AZS i ŭzarvaŭsia ŭ sasońniku, a inšy ruchnuŭ prosta na pryvatny dom, prabiŭ dach, ale nie ŭzarvaŭsia.
«Miascovych žycharoŭ u vialikim radyusie adsialali, nijak nie mahli raźminiravać. I časta, jak i raniej, drony huduć nad pasiołkam z razvarotam na Kijeŭ albo z pralotam na Brahin. Niama žycharam spakoju», — raskazała krynica.
Kamaryn znachodzicca ŭ toj samaj «kišeni», praź jakuju pralahaje maršrut rasijskich dronaŭ: znachodziačysia na terytoryi Ukrainy, jany ŭryvajucca ŭ Brahinski rajon Biełarusi, ruchajucca tranzitam i vylatajuć nazad va Ukrainu.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
- Aby nie było vajny, čas Zialenskamu sieści za pieramovy!
Skazka łož, da v niej namiek. Pripolačiennym urok!