Lideru demakratyčnych sił daviadziecca zmahacca ź dzieviaćciu supiernikami
U aŭtorak u Eŭraparlamencie ŭ časie nadzvyčajnaha sumiesnaha pasiedžańnia kamisii ŭ mižnarodnych spravach, kamisii raźvićcia i padkamisii pravoŭ čałavieka byli aficyjna pradstaŭlenyja kandydaty na ŭznaharodu parlamentu imia Andreja Sacharava za 2006 hod. Siarod 10 kandydataŭ jość i lider biełaruskaj apazycyi Alaksandr Milinkievič.
Kandydaturu Alaksandra Milinkieviča na atrymańnie prestyžnaj premii imia Andreja Sacharava vyłučyli frakcyi Eŭrapiejskaj Narodnaj partyi – Eŭrapiejskich demakrataŭ, samaja bujnaja frakcyja parlamentu, i frakcyja "Hrupa adzinstva na karyść Eŭropy narodaŭ".
Abhruntoŭvajučy pierad deputatami vybar kandydatam na atrymańnie ŭznaharody imia Sacharava Alaksandra Milinkieviča, vice-śpikier Eŭraparlamentu Jacek Saryjuš-Volski (Eŭrapiejskaja Narodnaja partyja – Eŭrapiejskija demakraty) zajaviŭ, što sprava, jakoj zajmajecca apazycyjny lider – blizkaja spravie Sacharava, što Milinkievič zdolny ŭpłyvać na ludziej. Akramia hetaha Alaksandar Milinkievič, pavodle vice-śpikiera, patrabuje mižnarodnaj achovy i zmahajecca za ahulnyja vartaści, na padstavie jakich byŭ stvorany Eŭraźviaz.
«Hetaja ŭznaharoda dajecca za svabodu dumak, a u ciapierašniaj Biełarusi jakraz volnyja tolki dumki», – zajaviła deputat Hanna Foltyn-Kubicka ad Hrupy adzinstva na karyść Eŭropy narodaŭ.
U 2004 hodzie uznaharodu Eŭrapiejskaha parlamentu imia Andreja Sacharava atrymała Biełaruskaja asacyjacyja žurnalistaŭ.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary