Uviečary 3 maja ŭ Minsku prajšoŭ mini-marš hiejaŭ i leśbijanak «Dzień maŭčańnia».
Prykładna 20 čałaviek, zakleiŭšy rot płastyram, rasfarbavanym u kolery viasiołki — tradycyjnyja kolery sieksualnych mienšaściaŭ, prajšli pa praśpiekcie Niezaležnaści i razdali prachožym buklety i ŭlotki, skiravanyja suprać homafobii.
Jakija-niebudź kamientary ŭdzielniki akcyi davać admovilisia, źviarnuŭšy ŭvahu na zaklejenyja raty. Razam z tym jany ŭručyli ŭlotku, u jakoj havorycca, što «Dzień maŭčańnia» — heta štohadovaja akcyja niehvałtoŭnaha pratestu.
Jaje ŭdzielniki chočuć pakłaści kaniec zamoŭčvańniu złačynstvaŭ i roznych form dyskryminacyi ŭ dačynieńni da leśbijanak, hiejaŭ, bisieksuałaŭ i transhienderaŭ.
Va ŭlotcy zaznačajecca, što «ckavańnie homasieksuałaŭ zamoŭčvajecca, ale prysutničaje paŭsiudna». Niehieterasieksualnych ludziej zvalniajuć z pracy, ad supracoŭnictva ź imi ŭchilajucca orhany dziaržaŭnaj apieki, ich ihnarujuć składalniki zakonaŭ i norm hramadzianskaha prava. Pry hetym va ŭlotcy padkreślivajecca, što 17 maja 1990 hoda Suśvietnaja arhanizacyja achovy zdaroŭja vyklučyła homasieksualizm z usioabdymnaj mižnarodnaj kvalifikacyi chvarob.
Jak raniej paviedamlałasia, z 17 krasavika pa 17 maja ŭ Biełarusi prachodzić pravaabarončaja infarmacyjnaja kampanija «Miesiac suprać hamafobii». Inicyjatarami praviadzieńnia kampanii vystupajuć Biełaruskaja inicyjatyva za sieksualnaje i hiendernaje raŭnapraŭje i hramadskaje abjadnańnie «Maładyja sacyjał-demakraty — Maładaja Hramada».
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek6
Kamientary