Łosik raskazaŭ, jak u žniŭni 2020 hoda ŭ SIZA jamu zahadali źbirać rečy i rychtavacca jechać dadomu
Były palitviazień Ihar Łosik, vyzvaleny i vydvarany ź Biełarusi 11 vieraśnia, u fejsbuku raskazaŭ pra adzin z epizodaŭ svajho bolš čym piacihadovaha źniavoleńnia, jaki adbyŭsia ŭ tyja dni, kali ŭ Biełarusi byŭ samy pik narodnych pratestaŭ.
18 žniŭnia 2020 hoda (heta byŭ dzień naradžeńnia Cichanoŭskaha) mianie rezka padniali ŭnačy ŭ kamiery i skazali źbirać rečy. Ja spytaŭ, a kudy? I mnie adkazali: pajedzieš dadomu!
Prosta nie pieradać, što ja tady pieranios, jakuju buru pačućciaŭ, jakaja ejfaryja była, navat rečaŭ amal nie zabraŭ nijakich i ŭsio pakinuŭ sukamierniku.
U heta vieryłasia, bo prajšło 2 dni z taho samaha lehiendarnaha maršu, na zavodach pačalisia zabastoŭki, a Kačanava vystupiła sa zvarotam, što ŭsich vypuskajuć z sutak. Dyk voś źbiehaŭ ja pa leśvicy i serca litaralna vyskokvała z hrudziej.
Zaviali mianie ŭ adstojnik i ja staŭ čakać. Praz hadzinu ja razumieju, što niešta nie toje adbyvajecca, što vypuskać mianie čamuści nie śpiašajucca. Tut adčyniajucca dźviery, mianie załomvajuć niejkija buhai ŭ čornych bałakłavach i łastaŭkaj danosiać da pakoja, dzie pačali šmanać maje rečy. Usio, što zastałosia, pałamali, parvali, kremy, zubnuju pastu vycisnuli na padłohu, paštoŭki parvali i jak bierviano pad adbornaje maciukańnie kinuli ŭ aŭtazak.
Ja ŭ poŭnym šoku, jechaŭ i dumaŭ, što chutčej za ŭsio ŭ Łukašenki «śvistanuła flaha» na fonie pratestaŭ i mianie viazuć u les rasstrelvać, bo ja byccam pačuŭ, što sa mnoj u aŭtazaku Statkievič jechaŭ. Nu, padrychtavaŭsia pamirać užo.
Ale aŭtazak pryjechaŭ na Žodzina, mianie pa doŭhich i zmročnych katakombach pryviali na zborny punkt, a tam usio ŭ kryviščy. Adbitki kryvavych ruk na ścienach i łužyna z kryvioj na padłozie. Ja jašče ŭ bolšym šoku, asabliva paśla taho jak mnie abviaścili, što jedu dadomu.
U vyniku a 4‑j ranicy zakinuli ŭ kamieru i na Žodzina ja prasiadzieŭ da svajho dnia naradžeńnia 20 traŭnia, na jakoje mnie taksama zrabili padarunak i pavieźli etapam u Homiel.
Pra Žodzina, haładoŭki, sprobu suicydu, vošaj i šyzafrenikaŭ ja jašče asobny post napišu.
Łosik raskazaŭ, jak Babaryku katavali ŭ navapołackaj kałonii
«Štości ŭdavałasia pieradavać Babaryku». Łosik raskazaŭ, jak arhanizavaŭ u kałonii sietku raspaŭsiudu infarmacyi
Łosik raskazaŭ, jak dva miesiacy tamu sustreŭ pa darozie ŭ kałoniju Palčysa
Łosik: Ja musiŭ vyjści ŭ červieni razam ź Bialackim, ale ŭ apošniuju chvilinu nas zamianili na inšych
Prynamsi ŭ častki palitviaźniaŭ pierad tym, jak vysłać ź Biełarusi, adabrali pašparty
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary