Telefanavańni daviadziecca rabić tolki ŭ mižnarodnym ci mižharodnim farmacie
U kastryčniku ŭ Biełarusi źmianiajecca paradak naboru numaroŭ abanentaŭ sietak sotavaj suviazi. Pra heta BIEŁTA paviedamiŭ načalnik upraŭleńnia elektrasuviazi Ministerstva suviazi i infarmatyzacyi Jury Špak.
«U kastryčniku, – kaža sp.Špak, – usie biełaruskija aperatary mabilnaje suviazi majuć pierajści na poŭnafarmatny nabor numaroŭ pry vykliku abanenta jak u samoj sietcy, tak i ŭ sietkach inšych kampanijaŭ».
Z novaha miesiaca telefanavańni daviadziecca rabić tolki ŭ mižnarodnym ci mižharodnim farmacie. U pieršym vypadku treba budzie pierad numaram nabirać +37529 ci +37525 (dla sietki BieST) adyli numar telefonu, u druhim – 8029 ci 8025 i numar telefonu. «Tak nazyvanaha skaročanaha naboru bolej nia budzie», – adznačyŭ Jury Špak. «Słovam, kali raniej možna było nabirać šaściznačny numar, dyk z kastryčnika daviadziecca ŭvodzić i prefiks», – patłumačyŭ načalnik upraŭleńnia Minsuviazi.
Hetkaja pieramiena paŭstanie ŭ źviazku z aktyŭnym rostam liku abanentaŭ mabilnaje suviazi ŭ Biełarusi i ŭviadzieńniem novych numarnych masivaŭ vaśmi aperatarami. «Na siońnia, naprykład, dla BieST i Velcom praduhledžanyja miljonnyja zony, jakija pačynajucca na «9», tamu sa skaročanym naboram, nia ŭkazvajučy kodu sietki – 8029 ci 8025 – budzie błytanina, i naŭrad ci telefanavańnie dojdzie da adrasata», – patłumačyŭ Jury Špak.
U źviazku z novym zvyčajem mnohim karystalnikam sotavaj suviazi daviadziecca redahavać numary, zaniesienyja ŭ pamiać telefonaŭ, i dadavać da ich nieabchodnyja prefiksy. Jury Špak paraiŭ abanentam užo zaraz zaniacca vypraŭleńniem mabilnych telefonnych knih, kab ŭ kastryčniku dać dobraj rady dazvonu.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary