U hetych rehijonach vyznačany čaćviorty apošni kłas pažarnaj niebiaśpieki. Na ŭsioj astatniaj terytoryi Biełarusi ŭviedziena tolki abmiežavańnie na naviedvańnie lasoŭ.
Rašeńnie ab poŭnaj zabaronie ŭviedziena ŭ Puchavickim, Akciabrskim, Lelčyckim i Drahičynskim rajonach.
Z pačatku 2026 hoda ŭ lasach krainy ŭžo adbyłosia 67 zaharańniaŭ na płoščy 20,6 ha. Najčaściej — 29 vypadkaŭ — u Bresckaj vobłaści.
Asnoŭnymi pryčynami zaharańniaŭ u hety pieryjad źjaŭlajucca sielskahaspadarčyja pažary i nieabačlivaje abychodžańnie z ahniom.
Pry zabaronie nielha ŭvohule naviedvać les.
Pry ŭviedzienych abmiežavańniach u les usio ž možna chadzić, ale z surjoznymi ahavorkami. Dazvoleny piešyja prahułki, zbor hryboŭ i jahadaŭ.
Adnak adnačasova kateharyčna zabaraniajecca ŭ takich rehijonach razvodzić vohniščy, zajazdžać u les na asabistym transparcie, pravodzić masavyja mierapryjemstvy, turystyčnyja źloty i arhanizoŭvać pikniki z namiotami.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary