U Francyi płanujuć vystavić na aŭkcyjon častku sapraŭdnaj leśvicy Ejfielevaj viežy. Heta frahmient, jaki raniej złučaŭ druhi i treci ŭzroŭni znakamitaj pabudovy, piša The Independent.
Hetaja leśvica była stvorana jašče ŭ kancy XIX stahodździa, ale ŭ 1980‑ch hadach jaje razabrali i zamianili liftami. Tady kanstrukcyju padzialili na niekalki častak i častkova pradali, a častka trapiła ŭ muziei abo pryvatnyja kalekcyi.
Ciapier na prodaž vystaŭleny adzin z takich frahmientaŭ vyšynioj kala dvuch z pałovaj mietraŭ. Jaho adnavili i viarnuli jamu pieršapačatkovy vyhlad paśla doŭhaha zachoŭvańnia.
Arhanizatary aŭkcyjonu čakajuć, što za hety kavałak zmohuć atrymać dziasiatki tysiač jeŭra. Padobnyja častki ŭžo pradavalisia raniej, i niekatoryja ź ich razyšlisia pa roznych krainach śvietu. Tarhi pryznačanyja na 21 maja.
Hetaja leśvica niekali vykarystoŭvałasia naviedvalnikami, kab padymacca na vierchnija ŭzroŭni Ejfielevaj viežy, tamu ličycca kaštoŭnym histaryčnym abjektam.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary