Pieramožcam čempijanatu śvietu pa futbole ŭ PAR «sto pracentaŭ» budzie Ispanija, zajaviŭ hałoŭny trenier biełaruskaj zbornaj Biernd Štanhie, adkazvajučy na pytańni žurnalistaŭ na pres‑kanfierencyi ŭ Minsku 31 maja.
«U finale Ispanija budzie hulać suprać Arhienciny, i na 88‑j chvilinie Tores zabje miač», — žartam vykazaŭ mierkavańnie Štanhie. Na pytańnie, ci ŭ stanie Dyjeha Maradona vyvieści Arhiencinu ŭ finał, niamiecki śpiecyjalist adkazaŭ, što «takaja kamanda moža hulać i biez treniera».
Staršynia Biełaruskaj fiederacyi futboła Hienadź Niavyhłas stavić na Anhliju.
«Ale budzie niadrenna, kali startavy matč adboračnaha turniru čempijanatu Jeŭropy‑2012 naša zbornaja praviadzie suprać čempijonaŭ śvietu francuzaŭ i vyjhraje», — skazaŭ Niavyhłas.
Jon taksama paviedamiŭ, što delehacyja BFF, u jakuju ŭvojduć staršynia, hienieralny dyrektar i načalnik mižnarodnaha ŭpraŭleńnia, 6 červienia adpravicca ŭ PAR na kanhres FIFA i naradu ŭ ramkach UEFA. Prahramaj aficyjnych mierapryjemstvaŭ praduhledžana naviedvańnie startavaha matču PAR — Mieksika. U Paŭdniovuju Afryku adpravicca i Biernd Štanhie, jaki budzie sačyć za hulnioj francuzaŭ.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach9
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary