Расія напала на Украіну чатыры гады і амаль паўтары месяцы таму, 24 лютага 2022 года.
Сёння 1500‑ы дзень вайны, што пачалася чатыры гады таму — 24 лютага 2022 года.
Вайна тры месяцы, як апярэдзіла па колькасці дзён Вялікую Айчынную вайну, што цягнулася 1418 дзён (з 22 чэрвеня 1941 года па 9 мая 1945 года) і набліжаецца па колькасці дзён да Першай сусветнай, што цягнулася 1567 дзён (28 ліпеня 1914 — 11 лістапада 1918).
Другая сусветная цягнулася шэсць год і адзін дзень (1 верасня 1939 — 2 верасня 1945) — 2192 дні.
Сёння Расія абстраляла Херсон.
Каля 08:30 расійскі беспілотнік ударыў па маршрутцы ў Дняпроўскім раёне. Папярэдне, пацярпелі пяць чалавек».
«У бальніцу даставілі дзяўчыну 19 гадоў, трох жанчын 68, 50 і 43 гадоў і трох мужчын 71, 63 і 51 года. Ва ўсіх пацярпелых — выбуховыя і закрытыя чэрапна-мазгавыя траўмы, шматлікія асколачныя параненні рук, ног, тулава», — адзначыў кіраўнік гарадской адміністрацыі Яраслаў Шанько.
Яшчэ пазней ён удакладніў, што 51‑гадовы вадзіцель аўтобуса ў цяжкім стане.
«Мужчына атрымаў шматлікія параненні брушной поласці і ног. Медыкі змагаюцца за яго жыццё. Астатнія 6 пацярпелых — у стане сярэдняй цяжкасці», — паведаміў Шанько.
Цяпер чытаюць
Лукашэнка выказаўся пра дэфіцыт медыкаў і прапанаваў ім працаваць больш6
Каментары