U Viciebsku ŭzakoniać i ŭparadkujuć ściežki, prataptanyja ŭ dvarach samimi ludźmi
U Viciebsku płanujuć aficyjna ŭładkavać tak zvanyja «narodnyja ściežki» — heta darožki, jakija žychary sami vytoptvali ŭ dvarach dla zručnaści. U miežach novaj prahramy «Ściežkavaja sietka» ŭ 2026 hodzie zaasfaltujuć 159 takich ściežak, piša sb.by.
Takija ściežki źjavilisia na zialonych zonach pamiž damami, i ŭłady vyrašyli nie zmahacca ź imi, a naadvarot — prystasavać pad realnyja patreby ludziej i zrabić paŭnavartasnymi piešachodnymi darožkami.
Ahulnaja daŭžynia hetych maršrutaŭ składzie bolš za 20 kiłamietraŭ. Šyrynia darožak budzie kala 1,2 mietra, a daŭžynia — ad nievialikich učastkaŭ prykładna ŭ 40 mietraŭ da bolš za 500 mietraŭ.
Prajekt zakranie ŭsie rajony horada, a raboty vykanaje miascovaje kamunalnaje pradpryjemstva.
Akramia hetaha, u Viciebsku praciahnuć i inšyja raboty pa ŭparadkavańni:
- u 102 dvarach ustalujuć i adramantujuć 159 spartyŭnych i dziciačych placovak;
- u 48 dvarach praviaduć kompleksny ramont (novy asfalt, łaŭki, urny);
- płanujuć vysadzić kala 700 dreŭ i 500 kustoŭ.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary