U vyniku stralby ŭ tureckaj škole zahinuli dzieviać čałaviek, vosiem ź ich — dzieci
Ranieńni atrymali 13 čałaviek, šeść ź ich znachodziacca ŭ ciažkim stanie.
U vyniku stralaniny ŭ siaredniaj škole Ajsier Čalik u horadzie Kachramanmaraš na paŭdniovym uschodzie Turcyi zahinuli dzieviać čałaviek — vosiem dziaciej i nastaŭnik, paviedamiŭ ministr unutranych spraŭ Turcyi Mustafa Čyftčy, piša Bi-bi-si.
Pavodle jaho danych, ranieńni atrymali 13 čałaviek, šeść ź ich znachodziacca ŭ ciažkim stanie.
Paviedamlajecca, što strałok — 13‑hadovy vučań vośmaha kłasa hetaj ža škoły — taksama zahinuŭ, adnak pakul niezrazumieła, jak mienavita heta adbyłosia. Pavodle niekatorych danych, jon byŭ zabity siłami biaśpieki, inšyja krynicy paviedamlajuć, što jon skončyŭ žyćcio samahubstvam. Jaho matyvy pakul nieviadomyja, pačata rasśledavańnie.
Pavodle danych uładaŭ, strałok mieŭ pry sabie piać adzinak zbroi i siem mahazinaŭ, jakija chutčej za ŭsio naležać jaho baćku — byłomu supracoŭniku palicyi. Pavodle niekatorych danych, baćka byŭ zatrymany nieŭzabavie paśla incydentu.
«Vučań pryjšoŭ u škołu sa zbrojaj u rukzaku, jakaja, jak my ličym, naležała jaho baćku. Jon uvajšoŭ u dva kłasy i adkryŭ biestałkovuju stralbu, što pryviało da ranieńniaŭ i hibieli ludziej», — zajaviŭ raniej hubiernatar pravincyi Kachramanmaraš Miukerem Unluer.
«Huki strełaŭ byli vielmi intensiŭnymi, — paviedamiŭ karespandent tureckaha telekanała NTV, — pierad škołaj uźnikła panika». Na kadrach ź miesca zdareńnia bačnyja baćki, jakija ŭ panicy prybyli da budynka škoły, i mašyny chutkaj dapamohi, jakija adjazdžajuć.
Na adnym ź videa, źniatym žycharom susiedniaha budynka i jakoje trapiła ŭ rasparadžeńnie ahienctva AFP, vidać, jak vučni vyskokvajuć z akna pieršaha paviercha škoły. Na paŭtaraminutnaj zapisy čuvać kala 15 strełaŭ.
Heta ŭžo druhi vypadak hvałtu ŭ tureckich škołach na poŭdni krainy za apošnija dva dni.
Napiaredadni 16 čałaviek atrymali ranieńni ŭ prafiesijna-techničnym licei ŭ horadzie Sivierek paśla taho, jak były vučań adkryŭ ahoń, a zatym skončyŭ žyćcio samahubstvam. Pa słovach hubiernatara pravincyi Šanłyŭrfy Chasana Šydłaka, napadnik uvajšoŭ u budynak liceja z palaŭničaj strelbaj i adkryŭ biestałkovuju stralbu. Ahladalniki adznačajuć, što da hetaha času hvałt u navučalnych ustanovach Turcyi byŭ vialikaj redkaściu.
-
«Prahresiŭnaja Bałharyja» ŭčystuju pieramahła na vybarach. Hienierał Radzieŭ supakojvaje: Praciahniem jeŭrapiejski šlach, ale krytyčna
-
Raźviedka Šviecyi: Ekanomika Rasii na miažy najhłybiejšaha kryzisu. Niajasna, ci Pucinu pra heta kažuć
-
Vybary ŭ Bałharyi vyjhrała prarasijskaja partyja byłoha prezidenta Radzieva
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy60
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary