Apaviadańni Niaklajeva vychodziać knihami na polskaj i biełaruskaj movach
Vydaviectva Centra biełaruskaj kultury ŭ Biełastoku anansavała vychad navinki aŭtarstva Uładzimira Niaklajeva — zbornika apaviadańniaŭ «Śviataja krynica».
Vydańnie prymierkavana da 80‑hodździa piśmieńnika. Kniha budzie dastupnaja ŭžo 17 krasavika na Knižnym kirmašy ŭ Biełastoku ŭ dvuch varyjantach: na biełaruskaj i na polskaj movach, piša bellit.info.
Kožnaje apaviadańnie ŭ hetym zborniku — heta asobnaja historyja, ale razam jany ŭtvarajuć šmathałosuju razmovu ź litaraturnaj tradycyjaj i sučasnaściu. Tut jość i mistyčna-ekzistencyjnyja razvahi pra žyćcio i śmierć, i trahična-iraničnyja vobrazy paślavajennaj vioski na biełaruska-litoŭskim pamiežžy, i hrateskavaje adlustravańnie sučasnaj biełaruskaj rečaisnaści, a taksama inšyja niečakanyja siužety i intanacyi. Takaja raznastajnaść dazvalaje ŭbačyć šyryniu tvorčaha myśleńnia Niaklajeva i adčuć, nakolki biełaruskaja litaratura blizkaja polskaj i ŭ toj ža čas adroźnivajecca ad jaje, dzielicca ŭražańniami ad pracy pierakładčyk Marcin Rembač.
Sałon biełaruskich niezaležnych vydaviectvaŭ na Knižnym kirmašy ŭ Biełastoku budzie pracavać
— 17 krasavika / 10:00—18:30
— 18 krasavika / 10:00—18:30
— 19 krasavika / 10:00—16:30
Arhanizatary zaprašajuć usich achvotnych naviedać kirmaš i prydbać cikavyja vydańni.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
«I ŭpieršyniu prahučała: fašysty-łukašysty». Čarnobylski Šlach — 1996 va ŭspaminach vidavočcaŭ, jakija praź dziesiacihodździ paśla taho dnia stali mužam i žonkaju22
Kamientary