Jak vyhladaje kvatera ŭ domie XIX stahodździa ŭ centry Minska?
Jaje možna arandavać na sutki. Z bałkona — šykoŭny vid.
Hety dom na Internacyjanalnaj, 14 byŭ pabudavany jašče ŭ XIX stahodździ adnym kupcom. Pieršapačatkova tut było ŭsiaho dva pavierchi i šeść kvater, ale ŭžo ŭ 20‑ch hadach XX stahodździa tut nadbudavali jašče adzin žyły ŭzrovień. Dom vyłučajecca i formaj akonnych prajomaŭ: jany roznyja na kožnym paviersie. U hetym domie na sutki zdajuć «dvušku» ź vidam na dachi histaryčnych budynkaŭ, piša Realt.
Dom na Internacyjanalnaj, 14 pačaŭ uzvodzić kupiec Nieva Hrynhaŭz u 1885 hodzie. Za hod jon pabudavaŭ dvuchpaviarchovy cahlany budynak. U jaho centry znachodziłasia prachadnaja arka z frantonami pa abodva baki. Niahledziačy na toje, što dom nosić imia ŭładalnika, naležaŭ jon jamu niadoŭha. Užo ŭ 1894 hodzie budynak vykupiŭ minski bankir Leapold Łurje. Jaho inicyjały «Ł.Ł.» prysutničajuć na kavanaj rašotcy ŭ arcy i siońnia.
Pry im pamiaškańni budynka vykarystoŭvalisia jak žyłyja kvatery. Usiaho ich było šeść. U pačatku 1920‑ch da doma pačali prybudoŭvać jašče adzin uzrovień. Pašancavała, što padčas vajny trochpaviarchovik nie paciarpieŭ. U dalejšym płaniroŭka apošniaha ŭzroŭniu była krychu źmieniena.
Ciapier na trecim paviersie možna arandavać na sutki pieraroblenuju dvuchpakajovuju kvateru płoščaj 46 kvadrataŭ.
Ramont tut praviali ŭ 2024 hodzie. Kuchniu i haścioŭniu sumiaścili. Interjer vykanany ŭ kłasičnym styli, z draŭlanym pakryćciom na padłozie
Tut taksama abstalavana abiedziennaja zona, visić televizar.
Dla snu tut jość łožak u izalavanaj spalni, a taksama raskładnaja kanapa ŭ haścioŭni.
Sa spalni jość vychad na adkryty bałkon, adkul adkryvajecca vid na histaryčnuju vulicu.
Zdajuć kvateru minimum na dvoje sutak. Cana za hety čas składaje 1 760 rubloŭ (621 dalar).
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary