«Lester», jaki siensacyjna vyjhraŭ premjer-lihu 10 hadoŭ tamu, siońnia taksama siensacyjna vylecieŭ u treci dyvizijon
Za hod kłub paśpieŭ vylecieć spačatku z premjer-lihi ŭ čempijonšyp (druhi dyvizijon), a zaraz za dva tury da finišu vybyvaje ŭ treci dyvizijon.
U apošnich troch matčach «Lesteru», jaki išoŭ na pieradapošnim miescy ŭ druhim dyvizijonie, treba było nie tolki trojčy pieramahčy, ale i spadziavacca na asiečki kankurentaŭ.
Adnak siońnia «Lester» zhulaŭ uničyju z «Chałam» 2:2, i ŭsio, heta vylet.
U 2016 hodzie «Lester» siensacyjna vyjhraŭ anhlijskuju premjer-lihu. Pierad pačatkam siezona kaeficyjent na pieramohu «Lestera» ŭ bukmiekieraŭ składaŭ 5000 da 1.
Siensacyjnaść była ŭ tym liku ŭ tym, što z 1993 hoda čempijanat Anhlii vyjhravali tolki «Mančester Junajted», «Mančester Sici», «Arsienał» i «Čełsi» — kłuby «vialikaj čaćviorki». Tolki ŭ 1995 hodzie vypadkova zaciasaŭsia «Błekbiern», zaraz taki ž biedałaha ŭ čempijonšypie, jaki zajmaje čaćviertaje miesca z kanca i moža taksama vylecieć u treci dyvizijon.
U siezonie 2022‑2023 «Lester» užo pakidaŭ premjer-lihu, praz hod zaniaŭ pieršaje miesca ŭ čempijonšypie, ale ŭ minułym mai znoŭ pakinuŭ premjer-lihu. U hetym siezonie ŭ čempijonšypie ŭ «Lestera» byli źniatyja šeść bałaŭ.
Kamientary