U Biełarusi pačali vypuskać novyja 7‑miesnyja miniveny. Što heta za mašyny i kolki jany kaštujuć?
U Biełarusi aficyjna sabrany pieršy aŭtamabil JAC RF8, a ŭ mai hetyja madeli źjaviacca ŭ dylerskich centrach krainy. Pra heta piša av.by sa spasyłkaju na kampanija «Transkonsałt Servis», aficyjnaha imparciora JAC u RB.
JAC RF8 — bujny biznes-šatł (habaryty ŭ mm: 5 215 × 1 895 × 1 830, kołavaja baza — 3 100), jaki raźličany na siem čałaviek.
Abjom bahažnika varjirujecca ŭ miežach 700—2 500 litraŭ.
Jak padkreślivaje aŭtavytvorca, u asnovie minivena lažać technałohii niamieckaha kancerna Volkswagen AG, a taksama brytanskaj kampanii MIRA, što dazvoliła źnizić uzrovień krenu i razhojdvańnia aŭtamabila pry dynamičnaj jaździe.
JAC RF8 abstalavany 9 intelektualnymi sistemami abarony, uklučajučy frantalnuju kamieru i radar, dva zadnija radary sistemy L2 ADAS (sistema dapamohi kiroŭcu druhoha ŭzroŭniu), jakaja praduhledžvaje najaŭnaść intelektualnaha kruiz-kantrolu z funkcyjaj viadzieńnia aŭtamabila pa pałasie, supravadžeńnie pry pierastrajeńniach, papiaredžańnie ab sutyknieńni, aŭtamatyčnaje tarmažeńnie, manitorynh «ślapych zon» i papiaredžańnie pry adkryćci dźviarej.
Piarednija i bakavyja paduški biaśpieki dla kiroŭcy i pasažyra, a taksama zvyšdoŭhija dvuchstupieńčatyja bakavyja ejrbehi-štorki ŭvachodziać u standartnuju kamplektacyju.
Na biełaruskim rynku naładžana zborka biznes-šatła ź bienzinavym ruchavikom 2.0 TGDI (turbavany ruchavik ź niepasrednym upyrskvańniem paliva; 224 k.s., 400 Nm) i 8‑stupieńčatym «aŭtamatam» ZF (viadomy niamiecki vytvorca tranśmisij). Na razhon da 100 km/h vialiki fłahmanski miniven tracić mienš za 9,8 siekundy. U źmiešanym cykle madel raschoduje 8,9 litra paliva na 100 km. U asnovie lažyć modulnaja płatforma MUSE ź piarednim pryvadam i papiaročnym raźmiaščeńniem RUZ (ruchavika ŭnutranaha zharańnia), piaredniaja padvieska — typu McPherson (samy raspaŭsiudžany vid niezaležnaj piaredniaj padvieski), zadniaja — šmatvaharnaja. Pamier štatnych šyn — 225/55 R18.
Z abodvuch bakoŭ ustalavany ssoŭnyja dźviery z elektrapryvadam.
Asablivaściu kanstrukcyi źjaŭlajecca absalutna roŭnaja padłoha dla ŭsich troch šerahaŭ siadzieńniaŭ. Jana składaje 68,8% ad usioj daŭžyni aŭtamabila.
Sałon JAC RF8 prapanuje niekalki varyjantaŭ transfarmacyi: «kapitanskija» kresły druhoha šerahu (asobnyja raskošnyja kresły z padłakotnikami) z elektrapryvadam, funkcyjaj klimatyzacyi i atamankaj (miakkaja padstaŭka dla noh, jakaja vyjazdžaje z-pad siadzieńnia) mohuć ruchacca napierad i nazad. Treci šerah naładžvajecca ŭ dyjapazonie 240 mm abo moža być vydaleny z aŭtamabila.
Dla kožnaha šerahu siadzieńniaŭ jość asobnyja USB-party (usiaho 7), ustalavany 12 dynamikaŭ, a taksama praduhledžany dvajny elektryčny luk płoščaj adzin kvadratny mietr i taniroŭka zadniaj paŭśfiery.
Dla kiroŭcy i pasažyra jość dva dysplei HD Smart na 12,3 cali.
Cana JAC RF8 u Biełarusi składzie 129 900 BYN (prykładna 45 860 dalaraŭ u ekvivalencie).
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
a šo nie łada ci maskvič ?))) dobraja navina na samoj spravie, treba vyciskać impieryju djabła z RB
———
– Nu, i jak vam «JAK»?
– Jak «JAK»? «JAK» jak «JAK».
🚗 Tak, bo heta rasiejcy vymaŭlajuć henu nazvu «Džak». My ž, biełarusy, u metach razrasiejčańnia musim kazać «Jak», bo pieršaja łacinskaja ci niamieckaja litara ŭ słovie mienavita «Jot». Albo bolš pravilna ŭžyć tutaka kitajski varyjant – aŭta ž kitajskaja, a nie rasiejskaja, choć i maje ŭ naźvie notki rasiejskaj niecynzurnaje hamonki «Cian chuaj». :)
Vysnova: Babarikam i Koleśśnikovym — nie❗
-