Padčas učarašniaj niepahadzi ŭ Biełarusi traŭmavanyja dva čałavieki
Učarašni mocny ŭrahanny viecier na ŭschodzie Biełarusi, paryvy jakoha dasiahali 29 m/s, pryvioŭ da šerahu paškodžańniaŭ i traŭmaŭ ludziej, paviedamiła pres-słužba MNS.

Za sutki paciarpieli 16 nasielenych punktaŭ. Najbolšyja nastupstvy zafiksavanyja ŭ Mahiloŭskaj vobłaści, dzie niepahadź zakranuła 11 nasielenych punktaŭ. Jašče niekalki paciarpieli ŭ Viciebskaj, Homielskaj i Minskaj abłaściach. Viecier paškodziŭ dachi žyłych damoŭ, budynki sacyjalnaj i vytvorčaj infrastruktury, a taksama sielskahaspadarčyja abjekty.
Adznačana 49 vypadkaŭ padzieńnia dreŭ, pryčym bolšaść — u Mahiloŭskaj vobłaści. U niekatorych vypadkach drevy padali na aŭtamabili.
Paciarpieli i ludzi. U Čerykavie sarvany vietram list šyfieru traŭmavaŭ dziaŭčynku 2013 hoda naradžeńnia. U ahraharadku Doŭsk Rahačoŭskaha rajona dreva ŭpała pobač z aŭtamabilem i paraniła mužčynu 1966 hoda naradžeńnia. Abodvum spatrebiłasia miedycynskaja dapamoha.
Ratavalniki nieadnarazova vyjazdžali, kab raśpiłoŭvać i prybirać pavalenyja drevy, a taksama likvidavać niebiaśpiečnyja paškodžańni. U niekatorych miescach byli časovyja pieraboi z elektrazabieśpiačeńniem, jakija chutka likvidavali.
Akramia taho, u Mahiloŭskaj vobłaści z-za dreva, što ŭpała na čyhunku, zatrymaŭsia dyzielny ciahnik.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary