«Ja irys usio roŭna źjem, ale viarnicie mnie 1,29 rubla». Chłopiec znajšoŭ u cukiercy niečakany siurpryz
Biełarus raskazaŭ u tyktoku, jak nabyŭ cukierku ad «Čyrvonaha charčavika».
Chłopiec u tyktoku apublikavaŭ rolik, jak raspakoŭvaje cukierku «Iryska» ad «Čyrvonaha charčavika». U abhortcy jon znachodzić, akramia samoj cukierki, nieviadomy płastykavy pradmiet — vierahodna, detal z vytvorčaści. Kali b chłopiec nie zaŭvažyŭ detal i ŭkusiŭ irys, heta mahło b drenna skončycca dla jaho zuboŭ.
«Ja irys usio roŭna źjem, ale što heta takoje? Viarnicie mnie 1,29 rubla», — sa śmiecham padsumoŭvaje chłopiec.
Videa sabrała 583 tysiačy prahladaŭ.
Kamientatary paličyli i chłopca, i jaho siabra-apieratara, jaki zdymaŭ videa, vielmi abajalnymi — tak što pretenzija da «Čyrvonaha charčavika» akazałasia ledź nie rekłamaj:
«Heta tabie cacka, jak u kindary».
«Vaźmicie jaho dla rekłamy vašaj pradukcyi. Vielmi pryjemny chłopiec».
«Jakija pazityŭnyja chłopcy, małajcy».
Pradstaŭniki «Čyrvonaha charčavika» źviazalisia z chłopcam. Jaho zaprasili na biaspłatnuju ekskursiju pa vytvorčaści i, viadoma, viarnuli hrošy za irys. Tyktokier tym časam paabiacaŭ svaim hledačam, što zrobić videa na vytvorčaści, i zahadaŭ im nie dumać ničoha drennaha «pra hetuju cudoŭnuju fabryku».
Zusim niadaŭna «Čyrvony charčavik» užo traplaŭ u internet-trendy. Usio praz ziefir NanoFit, dzie cukar zamienieny maltytam — hetaje rečyva maje pasłablalny efiekt. Karystalniki Threads, kali daviedalisia pra heta, kinulisia praviarać dziejańnie ziefiru na sabie, i prodažy łasunku vyraśli.
«Naša Niva» — bastyjon biełaruščyny
PADTRYMAĆCiapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj25
Kamientary