Harbaty kit Cimi žyvy i narešcie kirujecca ŭ Paŭnočnaje mora. Apieracyja pa jaho vyratavańni ciahnułasia dva miesiacy
Za kranalnaj historyjaj Cimi sačyła ŭsia Hiermanija i nie tolki.
Žyviolinku transpartujuć na baržy z buksiram Fortuna B i supravadžalnym sudnam Robin Hood. Hetaja kałona pavinna abyści paŭnočnuju ŭskrainu Danii, prajści praz praliŭ u Paŭnočnaje mora i vypuścić kita tam. Jak adznačajuć niamieckija ŚMI, Cimi dychaje, rehularna vypuskajučy fantany, i znachodzicca pad nahladam vieterynaraŭ, piša DW Belarus.
12‑mietrovaha kita ŭdałosia źmiaścić na baržu viečaram 28 krasavika siłami pryvatnaj vyratavalnaj inicyjatyvy. Dapamožniki zaviali žyviołu ŭ vykapany kanał i zafiksavali ramianiami na baržy. Padčas transparciroŭki Cimi znachodzicca ŭ płavučym doku, dzie jon lažyć na łožy ź piasku i moža ruchacca, ale sietki nie dajuć jamu pakinuć hetuju terytoryju.
Harbaty kit z pačatku sakavika znachodzicca ŭ Bałtyjskim mory, kudy takija kity zvyčajna nie zapłyvajuć. Jon niekalki razoŭ zasiadaŭ na miełkavodździ, a amal uvieś krasavik pravioŭ niedaloka ad vostrava Piol.
Za historyjaj Cimi sačyła ŭsia Hiermanija i nie tolki. Na kita ŭstalujuć GPS-datčyk, kab nie zhubić jaho znoŭ, kali jon vierniecca ŭ adkrytaje mora.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj14
Kamientary