Najstarejšaj udzielnicy Druhoj suśvietnaj vajny ŭ Biełarusi — 106 hadoŭ
U Biełarusi samym pažyłym udzielnikam «Vialikaj Ajčynnaj vajny» źjaŭlajecca žančyna ź Minska, jakoj niadaŭna spoŭniłasia 106 hadoŭ. Siaredni ž uzrost vieteranaŭ i ŭdzielnikaŭ toj vajny ŭ krainie ciapier składaje kala 99 hadoŭ, a samamu maładomu ź ich 92, paviedamlaje ahienctva «Minsk-Naviny».
Pavodle danych Ministerstva pracy i sacyjalnaj abarony, u Biełarusi žyvie bolš za 6 tysiač čałaviek, jakija atrymlivajuć padtrymku jak ludzi, niejkim čynam źviazanyja z vajnoj.
Pry hetym varta pamiatać, što pa biełaruskich zakonach da vieteranaŭ vajny pryroŭnienyja asoby, jakija brali ŭdzieł «u likvidacyi nacyjanalistyčnaha padpolla na terytoryi Ukrainy, Biełarusi i bałtyjskich krain da kanca 1951 hoda». Ale navat ź ich ulikam ułasna vieteranaŭ i ŭdzielnikaŭ nie bolš za 10%.
Dziaržava praciahvaje akazvać hetym ludziam roznyja vidy dapamohi. Da Dnia Pieramohi štohod vypłačvajecca adnarazovaja materyjalnaja dapamoha — u 2026 hodzie jaje pamier składaje ad 1500 da 5000 rubloŭ. Vypłaty pravodziacca ŭ pačatku maja, i značnaja častka vieteranaŭ užo atrymała hetyja srodki.
Akramia taho, dziejničajuć śpiecyjalnyja nadbaŭki da piensij. Dla ŭdzielnikaŭ i invalidaŭ vajny jany składajuć prykładna ad 510 da 765 rubloŭ, a dla inšych paciarpiełych katehoryj — ad 320 da 510 rubloŭ.
Taksama ŭ Biełarusi realizujecca prahrama padtrymki, jakaja praduhledžvaje dapamohu ŭ pobycie, ramont žylla, stvareńnie biaśpiečnych umoŭ pražyvańnia i inšyja miery. Akramia finansavaj padtrymki, vieterany karystajucca lhotami ŭ śfiery achovy zdaroŭja, sanatornaha lačeńnia i sacyjalnaha absłuhoŭvańnia.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary
"Pry hetym varta pamiatać, što pa biełaruskich zakonach da vieteranaŭ vajny pryroŭnienyja asoby, jakija brali ŭdzieł «u likvidacyi nacyjanalistyčnaha padpolla na terytoryi Ukrainy, Biełarusi i bałtyjskich krain da kanca 1951 hoda»".
Ja ŭ Varšavie paznajomiŭsia z palakam, jaki nosić značok Armii Krajovaj i ličycca vieteranam, udzielnikam Varšaŭskaha paŭstańnia. Choć jon 1936 hoda naradžeńnia, to-bok było jamu tady 8 hadoŭ. Ale vieteran, byŭ pasylnym. Tak i tut