Na papularnuju homielskuju radyjoviadučuju napisali danos, jana vyrašyła nie viartacca ź Litvy
Muzykant, piedahoh, stvaralnica aŭtarskich prajektaŭ Džema Brajt vymušana pakinuła Biełaruś. Pra heta jana sama adkryta raskazała na svajoj staroncy ŭ sacsietkach, piša «Fłahštok».
Džema Brajt (Mielikdžanian) była adnoj z zasnavalnic homielskaha haradskoha radyjo 107,4 FM (padparadkoŭvajecca harvykankamu), šmat hadoŭ była jaho viadučaj, taksama adkryła teleprajekt, a zatym pačała zajmacca šmatlikimi aŭtarskimi sacyjalnymi prajektami.
Pra jaje pisała navat hałoŭnaje dziaržaŭnaje vydańnie — «SB. Biełaruś siońnia», nazyvajučy Džemu Brajt «adnoj z najiarčejšych pierson» u žyćci Homiela.
U hetaj ža publikacyi za 2020 hod jana pryznavałasia: «Ja pastajanna čuju, što niełahična, majučy jeŭrapiejskaje hramadzianstva, zastavacca ŭ Homieli. Viedajecie, ja była ŭ mnohich krainach, mnie ŭsiudy było dobra, ale žyć mnie padabajecca ŭ Homieli. Tut ja sustrakaju važnych dla mianie ludziej, tut ja šmat čaho rablu, u mianie prosta niama času adsiul źjazdžać!»
Ale ŭ apošni čas Džema Brajt žyła ŭ Vilni, dzie jana naradziłasia i vyrasła, a 4 maja napisała, što bolš nie moža viarnucca ŭ Biełaruś — paŭhoda tamu jana vyjechała, bo na jaje napisali niekalki danosaŭ.
Jak adznačyła Džema, ciapier jana daviedałasia, što najbližejšyja piać hadoŭ, a to i bolš, nie zmoža pryjechać.
Vierahodna, heta aznačaje, što ŭ dačynieńni da jaje zaviedziena kryminalnaja sprava pa palityčna matyvavanym abvinavačańni: u vypadku viartańnia ŭ Biełaruś jana budzie aryštavanaja.
Inšych padrabiaznaściej Džema pakul nie paviedamiła.
Ciapier jana zajmajecca tym, što viadzie kurs navučańnia litoŭskaj movie dla ruskamoŭnych: adkrytyja ŭroki dla pačatkoŭcaŭ. Jaje prajekt biaspłatny i isnuje tolki na danaty.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Ŭsio moža być ale heta zručna paviarnucca u Letuvu pad šyldaj " pieraśled" .Ni pytańnieŭ ničoha i uvaha dapamoha
A MID łukašienko pokazyvajet fihu Armienii ot imieni russkoho mira Rośsii.