Śmiešny vypadak zafiksavany ŭ horadzie Pyć-Jach u Chanty-Mansijskaj aŭtanomnaj akruzie.
U horadzie napiaredadni 81‑j hadaviny Pieramohi ŭ Vialikaj Ajčynnaj vajnie zaŭvažyli dziŭny banier. «Z Dniom Popiedy!», — havorycca ŭ nadpisie na raściažcy, piša miascovaje vydańnie 86.ru.
Banier paviesili na budynku miascovaj Dziciačaj škoły mastactvaŭ. Jana znachodzicca ŭ centralnaj častcy horada, niedaloka ad płoščy.
Kiraŭnik horada Siarhiej Jelišaŭ u razmovie z vydańniem «Padjom» patłumačyŭ źjaŭleńnie płakata tym, što padradčyk «prajaviŭ samastojnaść» i nie ŭzhadniŭ z uładami ŭsie etapy stvareńnia i raźmiaščeńnia raściažak da 9 Maja.
«My razhladajem heta jak dyviersiju, bo jon užo nieadnarazova byŭ zaŭvažany. Aŭkcyjon svabodny, inšych na arenie niama, i voś jon staŭ pieramožcam — my abaviazanyja zaklučyć kantrakt, choć razumiejem, što jon nie zusim piśmienny i nie vielmi abaviazkovy», — skazaŭ Jelišaŭ.
Jon zapeŭniŭ, što płakat z pamyłkaj pravisieŭ tolki kala 10 chvilin, paśla čaho jaho zamianili inšym, a padradčyka prymusili paprasić prabačeńnia ŭ sacyjalnych sietkach.
Hod tamu ŭ Pyć-Jachu adbyłasia padobnaja situacyja. Tady na adnym z damoŭ nasuprać administracyi źjaviŭsia patryjatyčny banier z amierykanskim viertalotam. U pamyłcy abvinavacili padradčyka.
Kamientary
Eto ž orda—tam vsie u nich čieriez odno miesto. Čieriez popiedu.