«U hety dzień nie spała ŭsia kraina». U Dokšycach z pompaj adkryli aŭtamyjniu
Videa z uračystym adkryćciom aŭtamyjni samaabsłuhoŭvańnia ŭ Dokšycach ablacieła sacsietki. U kamientarach žartujuć pra «novuju datu ŭ historyi krainy».
TikTok-akaŭnt Dokšyckaha rajonnaha vydańnia «Rodnyja vytoki» apublikavaŭ rolik, u jakim pakazaŭ uračystaje adkryćcio aŭtamyjki samaabsłuhoŭvańnia ŭ horadzie. Jano vyklikała burnuju reakcyju ŭ karystalnikaŭ, zaŭvažyła BGmedia.
Aŭtamyjnia «Alita» była adkrytaja 1 maja. Z nahody jaje adkryćcia ŭ horadzie zładzili śviatočnuju padzieju. Kala novaha miesca maładziony stvaryli sapraŭdnaje šou: z tancami i hučnaj muzykaj, prademanstravaŭšy navyki chareahrafii. «Imprezu» naviedali siemji ź dziećmi — nie abyšłosia i biez aficyjnych asob, što pracujuć u miascovym rajvykankamie.
Jak na rolik adreahavali ŭ sacsietkach
Videarolik pa-sapraŭdnamu «zavirusiŭsia» ŭ TikTok: jon nabraŭ bolš za 123 tysiačy padabajek, a taksama 1.7 miljon prahladaŭ — niezvyčajna dobry vynik dla rajonnaha miedyja.
Adnak, zychodziačy z kamientaroŭ pad rolikam, mnohija karystalniki paličyli «imprezu» śmiešnaj i niesurjoznaj.
Na mierkavańnie niekatorych ludziej, situacyja vyhladaje absurdnaj: jany nie mahli strymać svajoj ironii.
«Znoŭ novuju datu ŭ historyi vučyć».
«U hety dzień nie spała ŭsia kraina».
«Pačałasia ŭ kałhasie ranica».
«A dzie Łukašenka?»
«Śviatkavać zvyčajnuju aŭtamyjniu? Heta ž dzie treba žyć što b takoje śviatkavać».
«Heta ž što budzie padčas adkryćcia zvyčajnaj łavački?»
Inšyja kamientatary pažartavali, što hetaja ŭračystaść — padrychtoŭka dla kancertaŭ suśvietnych zorak, takich jak Trevis Skot, Džaścin Bibier ci Kańje Uest i inšych.
«A čamu Čarli xcx nie paklikali, minułym razam dobra ž vystupiła».
«Heta razahreŭ pierad Trevisam».
«Džaścin Bibier paźniej padjedzie».
«Kańje vystupaje nastupnym».
«50 cent musiŭ jašče pryjechać!».
Znajšlisia i tyja, chto zadumaŭsia pra budučyniu takich pradpryjemstvaŭ:
«Aŭmatyjnia zakryjecca praz paŭhoda z-za stratnaści».
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary
Mdaaaaaa........