Instruktara pošukavaha atrada «Anioł» kinuli za kraty — vierahodna, za Hajuna
Maksim Vajciachovič šukaŭ źnikłych u lasach i źbiraŭ hrošy na lačeńnie chvorych dziaciej. Ale niadaŭna jaho asudzili za «sadziejničańnie ekstremizmu».
Maksimu Vajciachoviču 35 hadoŭ. Jon skončyŭ Instytut parłamientaryzmu i pradprymalnictva.
Da zatrymańnia jon vioŭ aktyŭny ład žyćcia i šmat dapamahaŭ inšym. Mužčyna byŭ instruktaram viadomaha pošukava-vyratavalnaha atrada «Anioł», dapamahaŭ i inšym pošukavym atradam. Vajciachovič rehularna pravodziŭ treniroŭki pa aryjentavańni na miascovaści i praktyčnyja zaniatki pa pošuku źnikłych ludziej.
Maksim taksama zachaplaŭsia rovarami i zajmaŭsia dabračynnaściu. U 2023 hodzie jon arhanizavaŭ viełaprabieh pa maršrucie «Jeŭravieła 2» ad Zasłaŭja da Usieluba. Padčas hetaha zajezdu na 145 kiłamietraŭ jon źbiraŭ srodki na lačeńnie chvorych na rak dziaciej.
Mužčynu aryštavali ŭ minułym hodzie i źmiaścili ŭ SIZA. A niadaŭna Maksima asudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa (sadziejničańnie ekstremisckaj dziejnaści).
Ciapier Maksim za kratami, ale dakładny prysud nieviadomy. Jahony pieraśled, imavierna, źviazany sa spravaj Hajuna.
«Naša Niva» — bastyjon biełaruščyny
PADTRYMAĆŽycharku Maładziečna, jakaja vyjšła ź bieł-čyrvona-biełym ściaham u pieršyja dni vajny, asudzili da 3 hadoŭ kałonii
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii
Ajcišnicy dali try hady pa spravie Hajuna. Jana žyła ŭ Vilni, ale pieryjadyčna jeździła na radzimu
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu7
Kamientary