Stała viadoma, kali da Ukrainy dojdzie zaćvierdžany jeŭrapiejski kredyt
Jeŭrasajuz moža ŭžo na nastupnym tydni pieraličyć Ukrainie pieršuju častku kredytu na 90 miljardaŭ jeŭra. Pra heta paviedamiła jeŭrakamisarka pa pytańniach pašyreńnia Marta Kos.
Pa słovach Marty Kos, hetyja hrošy pavinny dapamahčy Ukrainie abaraniać nie tolki siabie, ale i Jeŭropu razam ź jaje kaštoŭnaściami. Dakładny pamier pieršaha tranšu pakul nie nazyvajecca.
Kredytnaja prahrama raźličanaja da kanca 2027 hoda. U ES adznačajuć, što srodki mohuć pajści nie tolki na vajskoyyja patreby, ale i na padtrymku narmalnaj pracy ŭkrainskaj dziaržavy i vykanańnie sacyjalnych abaviazkaŭ.
U krasaviku krainy ES uchvalili pakiet dapamohi dla Ukrainy na 90 miljardaŭ jeŭra, jaki pavinien pakryć značnuju častku patrebaŭ Kijeva na bližejšyja dva hady. Adnačasova Jeŭrasajuz pryniaŭ i 20‑y pakiet sankcyj suprać Rasii.
Prezident Ukrainy Uładzimir Zialenski raniej zajaŭlaŭ, što pieršyja vypłaty mohuć pačacca ŭžo ŭ mai abo červieni. Pa jaho słovach, heta dapamoža ŭmacavać ukrainskuju armiju i padtrymać ekanomiku krainy.
Častku finansavańnia płanujuć zabiaśpiečyć za košt dachodaŭ ad zamarožanych rasijskich aktyvaŭ, jakija znachodziacca pad sankcyjami.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary