U Charvatyi zatrymali ŭkrainskaha dajviera, jakoha abvinavačvajuć u padryvie «Paŭnočnaha patoku». Raniej jaho nie vydała Polšča
Praz amal čatyry hady paśla vybuchaŭ na hazapravodach «Paŭnočny patok» u Bałtyjskim mory praciahvajecca niamieckaje rasśledavańnie pa hetaj spravie. U charvackim horadzie Puła pa jeŭrapiejskim ordary na aryšt zatrymali jašče adnaho hramadzianina Ukrainy, jakoha padazrajuć u datyčnaści da padrychtoŭki i ažyćciaŭleńnia dyviersii, piša Euronews.
Pavodle infarmacyi Fiederalnaj prakuratury Hiermanii, havorka idzie pra ŭkrainca Uładzimira Žuraŭlova. Śledstva ličyć, što jon byŭ prafiesijnym vadałazam i ŭvachodziŭ u hrupu, jakaja rychtavała, a vierahodna što i ažyćciaviła padryŭ hazapravodaŭ.
Heta nie pieršaja sproba niamieckich uładaŭ zatrymać padazravanaha. U 2025 hodzie jaho ŭžo aryštoŭvali ŭ Polščy, adnak polskija ŭłady admovilisia vydavać mužčynu Hiermanii, paśla čaho jaho vyzvalili. Ciapier ukrainca znoŭ zatrymali. Paśla ekstradycyi ŭ Hiermaniju jon pavinien paŭstać pierad śledčym sudździoj Viarchoŭnaha suda Hiermanii.
Fiederalnaja prakuratura abvinavačvaje mužčynu, siarod inšaha, u sumiesnym ažyćciaŭleńni vybuchu z vykarystańniem vybuchovych rečyvaŭ, dyviersii i razbureńni infrastrukturnych abjektaŭ.
26 vieraśnia 2022 hoda na hazapravodach «Paŭnočny patok-1» i «Paŭnočny patok-2» u Bałtyjskim mory adbylisia niekalki vybuchaŭ. Truby atrymali surjoznyja paškodžańni, a ŭ mora pačaŭ masava vychodzić haz. Nad pavierchniaj vady ŭtvaralisia vialikija hazavyja plamy.
Pieršapačatkova rasśledavańni pravodzili Hiermanija, Šviecyja i Danija. Šviecyja i Danija paźniej spynili ŭłasnyja rasśledavańni, a niamieckija śledčyja praciahnuli pracu.
Pavodle viersii niamieckaha śledstva, da padrychtoŭki dyviersii mahła być datyčnaja hrupa ludziej, jakija mieli navyki hłybakavodnaha dajvinhu. Vybuchovyja pryłady, jak miarkujecca, byli ŭstalavanyja niepasredna na trubapravodach. Adnym z mahčymych elemientaŭ apieracyi śledstva ličyć parusnuju jachtu.
U apošnija hady niamieckija śledčyja ŭsio bolš zasiarodžvajucca na hramadzianach Ukrainy. Raniej byŭ zatrymany i pieradadzieny Hiermanii jašče adzin ukrainiec — Siarhiej Kuźniacoŭ. U červieni 2026 hoda Fiederalnaja prakuratura vystaviła jamu abvinavačańni, u tym liku ŭ datyčnaści da napadu na cyvilnyja abjekty, arhanizacyi vybuchu, razbureńni zbudavańniaŭ i ŭmiašańni ŭ pracu abjektaŭ hramadskaj infrastruktury.
Razbureńnie «Paŭnočnych patokaŭ» mieła nie tolki ekanamičnyja, ale i značnyja hieapalityčnyja nastupstvy, pakolki hazapravody byli adnym z hałoŭnych simvałaŭ enierhietyčnaha supracoŭnictva Rasii i Hiermanii.
Prakuratura Hiermanii: Za padryvam «Paŭnočnych patokaŭ» staić ukrainskaja dziaržava
Lidarka ŭltrapravaj «Alternatyvy dla Hiermanii» paabiacała adnavić impart nafty i hazu z Rasii ŭ vypadku pieramohi na vybarach
Žurnalist-rasśledavalnik: «Paŭnočny patok» padarvała byłaja niu-madel z Kijeva
Łaŭroŭ: ZŠA chočuć zabrać «Paŭnočny patok» i «Paŭnočny patok — 2»
Hiermanija vydała ordar na aryšt padazravanaha ŭ padryvie «Paŭnočnaha patoku». Abvieščany ŭ vyšuk Volodymyr Z
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary
Parnikovy efiekt kažacie, źmieny klimatu, uzrovień SO2?