«Pakinuŭ 10 kapiejek u padjeździe, pryklejenyja skotčam». Niezvyčajny kanflikt u minskim šmatpaviarchoviku
Ź niečakanym (i samavolnym) rašeńniem susieda sutyknulisia žychary doma №32 na vulicy Prytyckaha ŭ Minsku. Adzin z žycharoŭ pryzvyčaiŭsia padsiłkoŭvać svoj elektrasamakat… prosta ŭ padjeździe, ad ahulnaj razietki.
«Adnych takaja pradprymalnaść aburyła, inšyja ličać košt zaradki zanadta niaznačnym, kab ładzić kanflikt», — intryhuje minčuk Raman, jaki z samaha pačatku naziraje za raźvićciom situacyi, piša Onliner.by.
— Samakat źjaŭlajecca ŭ chole niekalki razoŭ na tydzień, zvyčajna ŭviečary, a ranicaj źnikaje, — raskazvaje minčanin. — Razietka adnosicca da miescaŭ ahulnaha karystańnia, značyć, elektryčnaść apłačvaje ŭvieś dom. Atrymlivajecca, čałaviek jeździć pa svaich spravach, a patrochu skidvajemsia na heta ŭsie my. Siońnia samakat, zaŭtra chto-niebudź aŭtamabil praz akno padklučyć.
Spačatku žychary pakinuli na styrnie zapisku z prośbaj zaradžać transpart u kvatery. Na nastupny dzień pobač źjaviłasia druhaja cydułka, užo ad uładalnika samakata: «Poŭnaja zaradka kaštuje niekalki kapiejek. Mahu pakłaści hrošy na padakońnik».
Hrošy jon sapraŭdy pakinuŭ: manietu naminałam 10 kapiejek prylapili skotčam kala razietki. Heta kančatkova padzialiła susiedski čat na dva łahiery.
Adny paličyli ŭčynak ździekam, inšyja prapanavali kupić na pakinutyja hrošy harbatu dla schodu žycharoŭ.
Jak vyśvietliłasia, uładalnik samakata (małady čałaviek) nie zanosić svaju majomaść dadomu z-za niezadavolenaści svajakoŭ. Maŭlaŭ, paśla daždžu samakat brudny, a kvatera nievialikaja.
— Arhumienty haspadara samakata takija: u padjeździe jon nikomu nie pieraškadžaje, prachod nie pierakryvaje, a adna zaradka abychodzicca tańniej za kubak vady ŭ kaviarni (akumulatar na 500 vat-hadzin). Kaža, kali pytańnie pryncypovaje, hatovy kampiensavać vydatki na hod napierad, — pieradaje słovy susieda Raman.
Adkul u padjeździe ŭvohule dziejnaja razietka? Raman kaža, što jana pryznačanaja dla prybiralnaha abstalavańnia i praviadzieńnia techničnych rabot siłami miascovaha ŽKH. Padklučać da takoj razietki asabistuju techniku žycharam nie dazvalajecca, niezaležna ad abjomu spažytaj elektraenierhii.
— Paśla majho zvarotu razietku paabiacali abstalavać achoŭnaj kryškaj z zamkom. Praŭda, jość aściarohi, što kluč zhubicca i padčas uborki supracoŭnikam daviadziecca vykarystoŭvać padaŭžalnik, — niepakoicca małady čałaviek.
Siońnia samakat pieramiaściŭsia na leśvičnuju placoŭku druhoha paviercha. Ci padklučany jon tam da inšaj razietki, žychary pakul nie vyśvietlili.
-
U ahraharadku pad Słonimam začynilisia pošta, Dom bytu i apteka. Jašče niadaŭna ŭłady chvalilisia kłopatam pra žycharoŭ
-
Biełarusam z PMŽ zakryvajuć rachunki ŭ šviejcarskich bankach
-
«Ja varjacki chaču ŭ Maskvu». Biełaruska, jakaja čakaje ŭ ZŠA suda za kantrabandu avijakampanientaŭ u Rasiju, spadziajecca na dapamohu RF
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA40
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary