Pryjom dakumientaŭ dla hetaj katehoryi praciahniecca da 2 lipienia. Z 4 pa 10 lipienia projduć unutranyja ŭstupnyja vyprabavańni, i da 12 lipienia adbudziecca zaličeńnie abituryjentaŭ-metavikoŭ, piša BiełTA.
Dla ŭdziełu ŭ konkursie na atrymańnie vyšejšaj adukacyi na ŭmovach metavaj padrychtoŭki pastupajučy padaje damovu ab metavaj padrychtoŭcy śpiecyjalista, miedycynskuju daviedku, rekamiendacyju z apošniaha miesca pracy (słužby) abo piedahahičnaha savieta ŭstanovy adukacyi, jakuju skončyŭ abituryjent, dakumient, jaki śviedčyć asobu, charaktarystyku, vydadzienuju škołaj, himnazijaj, licejem abo kaledžam. Taksama spatrebicca dakumient ab adukacyi i dakumienty pra lhoty (pry ich najaŭnaści).
Abaviazkovaj umovaj udziełu ŭ pryjomnaj kampanii na ŭmovach metavaj padrychtoŭki źjaŭlajecca najaŭnaść damovy, padpisanaj abituryjentam i arhanizacyjaj — zakazčykam kadraŭ.
Pa bolšaści śpiecyjalnaściaŭ taksama patrabujecca, kab siaredni bał dakumienta ab adukacyi byŭ nie nižej za 7. Na najbolš zapatrabavanyja ekanomikaj śpiecyjalnaści hetaja norma nie raspaŭsiudžvajecca.
Abituryjenty, jakija pastupajuć na ŭmovach metavaj damovy prachodziać adno ŭnutranaje ŭstupnaje vyprabavańnie ŭ vusnaj abo praktyčnaj formie pa pieršym profilnym pradmiecie. Konkurs budzie farmiravacca na asnovie sumy siaredniaha bała dakumienta ab adukacyi i bała, atrymanaha na ŭnutranym ustupnym vyprabavańni. Pytańni dla ŭnutranych vyprabavańniaŭ pa kožnym vučebnym pradmiecie raźmieščany na sajcie Ministerstva adukacyi i VNU.
Kali nie pastupiŭ pa konkursie na ŭmovach metavaj padrychtoŭki, to možna ŭdzielničać u konkursie na ahulnych padstavach. Dla hetaha nieabchodna padać siertyfikaty centralizavanaha ekzamienu i centralizavanaha teściravańnia.
Usiaho płanujecca pryniać kala 6,3 tys. pieršakurśnikaŭ z metavymi nakiravańniami.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary