Letni adpačynak la vady na Naračy papoŭniŭsia novaj aktyŭnaściu: na plažy «Urliki» zapuścili prahułačny katamaran. Heta mahčymaść ubačyć zvykłyja krajavidy z vady i pravieści čas u spakojnaj atmaśfiery.
Maršrut zrobleny tak, kab pakazać samyja pryhožyja ŭčastki ŭźbiarežža. Adpraŭleńnie adbyvajecca ad plaža «Urliki», dalej katamaran ruchajecca ŭ bok byłoj vioski Ściepianiova, piša Narachanka.by.
— Zvarotny šlach prachodzić uzdoŭž vodnaj linii ŭ napramku turystyčnaj stajanki «Antoniśbierh», što dazvalaje detalova razhledzieć bierahavuju liniju i atrymać asałodu ad lohkaha vietryku. Važna adznačyć, što prahułka nie praduhledžvaje vysadki na bierah — uvieś maršrut prachodzić vyklučna pa vodnaj pavierchni, — adznačyła śpiecyjalist pa markietynhu sanatoryja «Pryaziorny» Volha Kuprevič.
Praciahłaść vodnaj ekskursii składaje kala adnoj hadziny. Rejsy adpraŭlajucca kožnyja dźvie hadziny — z 10:00 da 20:00.
Taki hrafik dazvalaje lohka vybrać zručny čas dla prahułki.
Košt biletaŭ
Košt pajezdki składaje 20 rubloŭ dla darosłych (z 15 hadoŭ). Dziciačy bilet abyjdziecca ŭ 12 rubloŭ (7—14 hadoŭ), a dzieci da 6 hadoŭ mohuć prakacicca biaspłatna.
Bilety dastupnyja ŭ kasie na naziralnaj viežy «Panarama» — kala jaje i adbyvajecca adpraŭleńnie katamarana.
Katamaran vychodzić u rejs pry nabory minimum 5 čałaviek.
Darečy, tam vybirajuć nazvu dla katamarana. Siarod prapanoŭ: Alesia, Nadzieja, Mara, Pryaziorčyk, Aqua Bliss, Stella Maris, Aura, Adysieja, Sunset, Ehiej, Nereida.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud25
Kamientary