«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
Kiroŭcy vykazvajuć zaniepakojenaść stanam časovaha mosta cieraz raku Słuč na aŭtadarozie M-10 pamiž Mikaševičami i Žytkavičami. Pavodle ich słoŭ, pieraprava mocna paškodžanaja: častka mietaličnych plit adarvanaja, tamu aŭtamabili vymušanyja ruchacca vielmi pavolna, kab nie paškodzić mašyny. Z-za hetaha na darozie rehularna ŭtvarajucca vialikija zatory, piša BG.Media.
Adzin z aŭtaraŭ videa, apublikavanaha ŭ sacyjalnych sietkach, śćviardžaje, što most zakryvali na ramont, adnak paśla jaho adkryćcia situacyja praktyčna nie źmianiłasia. Pa jaho słovach, paškodžańni zastalisia, a ŭ niekatorych miescach stan pierapravy navat pahoršyŭsia.
U kamientaryjach mnohija kiroŭcy paviedamlajuć, što im davodzicca stajać u zatorach ad niekalkich dziasiatkaŭ chvilin da niekalkich hadzin. Jany taksama adznačajuć, što prajezd pa moście vyklikaje strach, a niekatoryja aŭtamabili ŭžo atrymali paškodžańni kołaŭ.
«Čarha kala dvuch kiłamietraŭ. Stali ŭ 19:30, prajechali tolki ŭ 22:15. Amal try hadziny ŭ zatory».
«Strašna jechać tam. A most, napeŭna, jašče hadoŭ piać buduć ramantavać».
«Čakajuć, napeŭna, trahiedyi. Potym zavarušacca», — pišuć ludzi.
Na prablemu źviarnuli ŭvahu i miascovyja infarmacyjnyja resursy, jakija apublikavali fotazdymki pierapravy.
Žychary vykazvajuć mierkavańnie, što časovy most patrabuje bolš surjoznaha ramontu, pakolki jaho stan moža stać niebiaśpiečnym dla ŭdzielnikaŭ darožnaha ruchu.
Havorka idzie nie pra asnoŭny most praz Słuč, a pra časovuju pierapravu, arhanizavanuju na čas jaho rekanstrukcyi. Abmiežavańni na ruch pa asnoŭnym moście byli ŭviedzienyja jašče ŭ mai 2024 hoda z-za jaho avaryjnaha stanu. Spačatku transpart nakiroŭvali ŭ abjezd, a paźniej byŭ adkryty most-dublor.
Pavodle paviedamleńniaŭ pieravozčykaŭ, rekanstrukcyja asnoŭnaha mosta zaciahnułasia, i na praciahu doŭhaha času raboty vialisia vielmi pavolna. Heta pryviało da dadatkovych vydatkaŭ dla transpartnych kampanij, a taksama pavialičyła nahruzku na miascovyja darohi i nasielenyja punkty.
Pavodle apošniaj infarmacyi, adkryćcio adnoŭlenaha asnoŭnaha mosta płanujecca ŭ listapadzie 2026 hoda. Da taho času ruch praciahvaje ažyćciaŭlacca pa časovaj pierapravie, stan jakoj vyklikaje ŭsio bolšuju zakłapočanaść u kiroŭcaŭ.
Na MKAD skončyli rekanstrukcyju adnaho z mastoŭ
Most cieraź Śvisłač kala płoščy Pieramohi zakryli na rekanstrukcyju
U Połacku paśla rekanstrukcyi adkryli most cieraz raku Pałatu
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
Dla kaho sabralisia budavać vielizarny vantavy most u Minsku?
U Biešankovičach adkryŭsia siezonny pantonny most cieraź Dźvinu
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary