«U majoj karjery takoje — upieršyniu». Z futbolnaha kłuba «Minsk» niečakana ŭciok małady futbalist
Hałoŭny trenier futbolnaha kłuba «Minsk» Arciom Čaladzinski paśla paražeńnia ŭ matčy čempijanatu Biełarusi ź minskim «Dynama» ź likam 0:3 prakamientavaŭ adsutnaść u zajaŭcy na matč 18‑hadovaha paŭabaroncy Zachara Dračova, piša bel.football.
Pavodle słoŭ treniera, futbalist pavinien byŭ vyjści ŭ startavym składzie, adnak napiaredadni hulni biez papiaredžańnia pakinuŭ kłub.
«U majoj karjery takoje — upieršyniu. Ja naohuł padobnaha nie bačyŭ — futbalist prosta samavolna pakinuŭ kłub, palacieŭ kudyści. Učora jon pavinien byŭ prysutničać na pieradmatčavaj raźmincy. My prychodzim na schod — futbalista niama. Pytajemsia ŭ jaho siabroŭ — skazali, što palacieŭ», — aburana raskazaŭ Čaladzinski.
Na pytańnie, kudy mienavita adpraviŭsia futbalist, trenier adkazaŭ, što nie vałodaje takoj infarmacyjaj.
Na jaho dumku, na rašeńnie maładoha futbalista mahli paŭpłyvać ahienty. Trenier ličyć, što maładyja hulcy niaredka prysłuchoŭvajucca da ich parad bolš, čym da ŭłasnaha mierkavańnia abo pazicyi kłuba.
Pry hetym jon padkreśliŭ, što kłub nie pieraškadžaje futbalistam pierachodzić u inšyja kamandy, ale ličyć, što takija pytańni pavinny vyrašacca adkryta i z pavahaj da ŭsich bakoŭ.
Viačasłaŭ Hleb: Moža, z Kiurasaa b i pazmahalisia tolki
Tałaj bolš nie pracuje ŭ trenierskim štabie BATE
Zahinuŭ 34‑hadovy Anton Arciamionak, składalnik słoŭnika biełaruskich futbolnych terminaŭ
FK «Stenles» ź Pinska pieražyvaje ciažkija časy: śledam za kiraŭnikom kłuba pamior mieniedžar kamandy
Vychavaniec «Ajaksa» pierajšoŭ u «MŁ Viciebsk»
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho5
Kamientary
***
Nia viedaju praŭdu tady kazali, ci prosta čutki byli što kali Mileŭski ŭ Kijevu paśla treniroŭcy źbiraŭ svaju formu kab jaje paścirać to jamu skazali: Navošta ty heta robiš? Ŭ nas svaja pralnaja isnuje dla ŭsich hulcoŭ. Ŭ tym liku i dla formy na treniroŭki.
Mileŭski tady vielmi ździviŭsia bo ŭ Miensku ničoha takoha nie było. I kožny hulec sam myŭ i sam hladzieŭ za svajej formaj ŭ jakoj jen treniravaŭsia. A ŭ Kijevu była asobnaja pralnaja dla ŭsich hulcoŭ kłuba.
Čutki heta ci bajki nie viedaju. Zaŭziatary viedajuć.