Miedsiastra Homielskaha kardyjacentra nie ŭtrymała mašynu na darozie — jaje baćka-pasažyr zahinuŭ
Siamja prasiła nie karać žančynu.
U Branskaj vobłaści Rasii miesiac tamu 4 červienia 2026 hoda razhladali spravu ab DTZ, u jakim zahinuŭ 73‑hadovy miascovy žychar.
Za rulom była jahonaja dačka — 32‑hadovaja Ivanickaja. Jana hramadzianka Rasii z dazvołam na žycharstva ŭ Biełarusi, pracuje apieracyjnaj miedsiastroj u Homielskim abłasnym kliničnym kardyjałahičnym centry.
Zdareńnie adbyłosia ŭ śniežni 2025 hoda. «Mazda» prajazdžała kala rasijskaha horada Złynka, kali mašynu zaniesła. Aŭtamabil źjechaŭ u prydarožny roŭ i pierakuliŭsia.
U vyniku avaryi baćka kiroŭcy atrymaŭ ciažkuju traŭmu chrybta, uskładnienuju paźniej pnieŭmanijaj i poliarhannaj niedastatkovaściu, ad jakoj praź niekalki dzion jon pamior u balnicy.
Sud pryznaŭ Ivanickuju vinavataj u parušeńni pravił darožnaha ruchu, što pa nieaściarožnaści pryviało da śmierci čałavieka. Paciarpiełyja — maci žančyny (žonka zahinułaha) i jaje siastra — prasili spynić spravu ŭ suviazi z prymireńniem bakoŭ, adnak im u hetym admovili. Praŭda, kančatkovaje rašeńnie na sajcie suda nie apublikavanaje.
Kamientary