Try naftabazy, papiarednie, harać u Staŭrapali i jaho vakolicach paśla ŭkrainskaj načnoj ataki
U noč na 19 lipienia Staŭrapal i jaho vakolicy padvierhlisia maštabnaj atacy ŭkrainskich bieśpiłotnikaŭ. Pavodle źviestak OSINT-analizu vydańnia ASTRA, pad udaram apynulisia adrazu try miascovyja naftabazy, što pryviało da surjoznych pažaraŭ i ŭviadzieńnia režymu nadzvyčajnaj situacyi.
Miascovyja ŭłady aficyjna paćvierdzili try ačahi ŭzharańnia ŭ dźviuch pramysłovych zonach kala horada. Na asnovie videazapisaŭ vidavočcaŭ OSINT-daśledčyki łakalizavali punkty paražeńnia.
Na chutary Viaźniki zafiksavany pažar na bujnoj naftabazie «Rasnafty». Jašče adzin ačah pažaru ŭ hetaj ža pramzonie, imavierna, uźnik pa adrasie vuł. Pramysłovaja, 1, dzie znachodziacca bazy kampanij TAA «Karona» i TAA «MK-Naftapradukt».
Taksama, jak vynikaje ŭ videa, zaharełasia Staŭrapalskaja naftabaza (vuł. Kałamijcava, 19), jakaja naležyć TAA «ŁUKOJŁ-Juhnaftapradukt». Heta mahutny stratehičny abjekt, jaki naličvaje 42 reziervuary ahulnym abjomam kala 57,6 tysiačy kubičnych mietraŭ. Baza zabiaśpiečvaje pryjom, zachoŭvańnie i raźmierkavańnie bienzinu, dyzielnaha paliva i masieł.
U suviazi z maštabam pažaraŭ u pramzonach ułady ŭviali režym NS miascovaha ŭzroŭniu.
Hetaja ataka stała praciaham płanamiernaha źniščeńnia naftavaj infrastruktury rehijona. Naftabazy pad Staŭrapalem atakujucca ŭžo treci raz za miesiac.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary