Siarod tych, chto tarmozić rašeńnie, Hrecyja, Francyja, Italija, Hiermanija, Aŭstryja, Partuhalija.
Pavodle infarmacyi Financial Times, u Jeŭrasajuzie naśpieŭ kryzis padtrymki novaha pakieta sankcyj suprać Rasii — krainy admaŭlajucca ŭchvalać miery, jakija mohuć naškodzić ich ułasnym kampanijam.
Šerah krain zapatrabavali vyklučeńniaŭ abo zabłakavali 21‑y pakiet sankcyj. Siarod ich Hrecyja, Francyja, Italija, Hiermanija, Aŭstryja, Partuhalija.
Hrecyja admaŭlajecca ŭchvalać uvieś pakiet, kali nie atrymaje dazvoł na transpartavańnie rasijskaha zvadkavanaha pryrodnaha hazu (ZPH) u trecija krainy. Havorka idzie pra kampaniju Dynagas hreckaha miljardera-sudnaŭładalnika Hieorhijasa Prakapiu, jakaja pieraviezła z 2022 hoda bolš za 30 młn ton ZPH z arktyčnaha prajekta «Jamał» (pavodle acenki FT — na sumu zvyš 24 młrd dalaraŭ).
Partuhalija i Hiermanija patrabujuć prybrać zabaronu na zakupku rasijskaj ryby, spasyłajučysia na abaronu miascovaj rybapierapracoŭčaj haliny.
Francyja dy Italija chočuć źmiakčyć zabaronu na vydaču viz ES rasijskim vajskoŭcam, jakija ŭdzielničali ŭ vajnie (abiedźvie krainy — papularnyja turystyčnyja kirunki).
Aŭstryja znoŭ patrabuje razmarozić 2 młrd jeŭra rasijskich aktyvaŭ dla kampiensacyi Raiffeisen Bank za štraf, nakładzieny Maskvoj.
Pakolki sankcyi ES patrabujuć adnahałosnaha adabreńnia, vieta zabłakavała pieramovy — čatyry dni kansultacyj ambasadaraŭ krain-členaŭ u Brusieli nie pryviali da zhody. Dypłamaty adznačajuć, što ŭzrovień admoŭ dasiahnuŭ biesprecedentnaha maštabu.
Heta adbyvajecca na fonie taho, jak Ukraina ŭzmacniaje vajenny cisk na Rasiju dalnabojnymi ŭdarami pa Maskvie i NPZ, a zachodnija sajuźniki spadziajucca, što adziny front prymusić Pucina sieści za stoł pieramoŭ. Pry hetym dypłamaty adznačajuć, što niežadańnie častki krain ES padtrymlivać žorstkija miery zvodzicca da taho, ci adčuvajuć jany pramuju pahrozu z boku Rasii — u adroźnieńnie ad krain Bałtyi i Paŭnočnaj Jeŭropy, jakija ad pačatku bačyli hetuju pahrozu jak realnuju.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
Italija i Francija nie vidit tut ničieho takoho płochoho. Turisty, kak turisty, i s dieńhami.
Tak zvanyja sancyi na "vajskoŭcaŭ" bolš mahli b paupłyvać na siaredni kłas, jaki nie słužyć u vojsku i ŭsiakim šlacham nie žadaje dochnuć na vajnie.
Što dvtyčycca turystyčnych sankcyi to kali ich uviaduć suprać žycharoŭ Maskovii siońnia, to ŭžo zaŭtra ich uviaduć i suprać biełarusaŭ. I ŭsim budzie plavać što bolšaść biełarusaŭ suprać vajny.
Sankcyi na rybu suprać Maskovii na nastupny dzień ci u tym ža pakiecie buduć uviedzieny i suprać Biełarusi. A heta značna pavysić košt ryby i mora charčoŭ u kramach.
Suprać Maskovii. Suprać vjny. Vorah režymu. Na baku Ukrainy z 2014 hodu. Dla mianie z 2014 hodu Krym - Ukraina, a pucin - zabojca.
Tym nia mieńš nie žadaju nijakich sankcyi majemu biełaruskamu narodu. Ničoha z taho što na škodu sa stasunkami z Eŭropaj ci zakranaje ludziej, a nie biełarusafobski režym.