На электронныя таргі на пляцоўцы «ІПМ-Кансалт ацэнка» выставілі незвычайны лот — пасажырскі вагон нямецкай вытворчасці Görlitz тыпу Ammendorf (мадэль 47К), які быў пераабсталяваны ў вагон-салон, піша Office Life.
Аб'ект 1991 года выпуску знаходзіцца ў Мінску, непасрэдна на пуцях станцыі Мінск-Пасажырскі каля Прывакзальнай плошчы. Яго стартавы кошт складае 750 тысяч рублёў.
Каб прыняць удзел у таргах, патэнцыйным удзельнікам неабходна ўнесці задатак у памеры 37,5 тысячы рублёў. Крок аўкцыёну таксама складзе 37,5 тысячы рублёў ад цаны.
Будучаму ўладальніку варта ўлічыць: спраўнасць вузлоў і абсталявання ніхто не правяраў, а вывозіць вагон са станцыі давядзецца за ўласны кошт.
Электронныя таргі адбудуцца 28 ліпеня. Падаць заяўку на ўдзел можна да 17:00 27 ліпеня. Пераможцу дадуць 10 рабочых дзён на тое, каб забраць набыты вагон і падпісаць дагавор, а разлічыцца неабходна на працягу пяці дзён пасля падпісання дакументаў.
-
«Паглядзіце на тое, што адбываецца ва Украіне проста зараз, у гэтую хвіліну». Экс-прэзідэнт Юшчанка звярнуўся з адкрытым лістом да Трампа
-
У Беларусі ўпершыню з'явілася ламаная разметка
-
Былога выкладчыка духоўнага вучылішча, які жанаты з маладзейшай за яго на 30 год студэнткай, выпусцілі з ізраільскай паліцыі
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне19
Каментары