Staŭ viadomy aryjencirovačny termin uvodu ŭ ekspłuatacyju novaha aŭtamabilnaha mosta cieraz Prypiać, jaki złučyć Łuniniecki i Stolinski rajony. Pavodle płanaŭ, ruch pa im pavinny adkryć da 7 listapada 2027 hoda, paviedamiŭ namieśnik staršyni Bresckaha abłvykankama Alaksandr Maksimčuk padčas svajho aficyjnaha zastupleńnia na hetu pasadu.
Pa słovach čynoŭnika, budaŭnictva viadziecca ŭ adpaviednaści z hrafikam. Ciapier budaŭniki zajmajucca padsypkaj padjaznych daroh i ŭžo prystupili da ŭładkavańnia asnoŭ budučaha mosta.
Novy most stanie adnym z najbujniejšych infrastrukturnych abjektaŭ Bresckaj vobłaści. Ciapier aŭtamabilistam, kab dabracca sa Stolina ŭ Łuniniec, davodzicca jechać u abjezd praź Pinsk — kala 127 kiłamietraŭ, abo praz Žytkavičy — prykładna 172 kiłamietry. Samy karotki maršrut praciahłaściu kala 46 kiłamietraŭ mahčymy tolki praz paromnuju pierapravu, jakaja pracuje siezonna i nie moža zabiaśpiečyć ruch kruhły hod, asabliva ciažkaj techniki.
Paśla adkryćcia mosta pamiž dvuma rajonami źjavicca pastajannaje aŭtamabilnaje złučeńnie pa najkaraciejšym maršrucie. Heta taksama palepšyć transpartnyja suviazi dla žycharoŭ Stolinskaha rajona, jakija atrymajuć bolš zručny vyjezd u bok Minska, Baranavičaŭ i Hrodna.
Prajekt realizujecca ŭ ramkach dziaržaŭnaj prahramy raźvićcia rajonaŭ Prypiackaha Paleśsia. Budaŭnictva ŭžo abmiarkoŭvałasia na śpiecyjalnaj naradzie z udziełam tahačasnaha namieśnika premjer-ministra Anatola Sivaka, kiraŭnictva Bresckaj vobłaści i inšych pradstaŭnikoŭ orhanaŭ ułady.
Pavodle papiarednich źviestak, daŭžynia novaha mastavoha pierachodu składzie kala 500 mietraŭ. Vyšynia pralotaŭ nad rakoj dasiahnie prykładna 12 mietraŭ, što dazvolić bieź pieraškod prachodzić sudnam pa hetym učastku Prypiaci. Most uzvodziać pamiž paromnaj pierapravaj «Korabje» i čyhunačnym mostam.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary