Minhandlu znajšło na rynku ŭ Valarjanavie «załatyja» mandaryny
Na rynku «Valarjanava» pad Minskam Ministerstva antymanapolnaj palityki i handlu znajšło šmatrazovaje pieravyšeńnie dapuščalnych handlovych nadbavak pry prodažy cytrusavych.
Padčas pravierki vyśvietliłasia, što TAA «Valarkam» pradavała apielsiny i mandaryny pa cenach, jakija značna pieravyšali raźlikovyja z ulikam ustanoŭlenych dziaržavaj abmiežavańniaŭ.
Apielsiny pradavalisia pa 25 rubloŭ za kiłahram, choć cana, sfarmavanaja ŭ adpaviednaści z zakanadaŭstvam, pavinna była składać 8,89 rubla.
Mandaryny kaštavali ad 19,90 da 35 rubloŭ, tady jak dapuščalnaja cana pavinna była znachodzicca ŭ miežach ad 5,44 da 8,89 rubla.
Zamiest dazvolenaj handlovaj nadbaŭki ŭ miežach 33—34% kampanija ŭstanaviła nadbaŭku ad 274,7% na apielsiny da 424,58% na mandaryny.
U vyniku Ekanamičny sud Minskaj vobłaści pryciahnuŭ «Valarkam» da administracyjnaj adkaznaści. Kampanii pryznačyli štraf u pamiery bolš za 30 tysiač rubloŭ. Da adkaznaści taksama pryciahnuli słužbovuju asobu.
Pastanovy suda ŭžo nabyli zakonnuju siłu.
Kamientary