Łukašenka zadumaŭsia, jak ažyvić naradžalnaść, kab my nie źnikli jak nacyja
Łukašenka choča, kab urad znajšoŭ dla jaho formułu, jakaja ažyvić demahrafičnyja pracesy. Pra heta jon razvažaŭ siońnia na naradzie z čynoŭnikami.
Palityk adznačyŭ, što pry naradžeńni dziaciej siemji atrymlivajuć adnarazovyja vypłaty kala 5 tysiač rubloŭ na pieršaje dzicia i bolš za 7 tysiač rubloŭ — na nastupnych dziaciej. Taksama jość štomiesiačnaja dapamoha ŭ pamiery kala tysiačy rubloŭ i siamiejny kapitał.
«Zdavałasia b, naradžajcie! Dzieci całkam na dziaržaŭnym zabieśpiačeńni. Ale sučasny śviet staŭ zanadta prahmatyčnym. Maładyja ludzi spačatku imknucca vyrašyć inšyja pytańni — adukacyju, karjeru, jašče niešta, a ŭžo potym naradžać», — skazaŭ jon.
Jon uspomniŭ, što 10 hadoŭ tamu naradžalnaść była vyšejšaj, choć uzrovień dabrabytu nasielnictva byŭ nižejšy. U 2015 hodzie naradziłasia 120 tysiač dziaciej, a letaś — 55 tysiač. Pry hetym VUP na dušu nasielnictva vyras z 18 tysiač dalaraŭ da 35 tysiač dalaraŭ. Łukašenka choča, kab urad vypracavaŭ formułu ažyŭleńnia demahrafii.
«Kab my nie źnikli jak nacyja i było kamu pracavać, usio prosta jak dvojčy dva: dvoje baćkoŭ — dvoje dzietak. Heta baza, jak kaža moładź. A lepš — troje i bolš. Tamu na dziaržaŭnym uzroŭni treba znajści dziejsnuju formułu, jakaja, pa-pieršaje, ažyvić demahrafičnyja pracesy. Pa-druhoje, stanie matyvacyjaj da ŭśviadomlenaha maciarynstva i baćkoŭstva, zrobić ich modnym trendam. Tady my zachavajem i prymnožym svajo nasielnictva»,— skazaŭ jon.
Kamientary
Sučasny stan - Represii + Pravasudździe = Viartańnie biełarusaŭ + Umovy, ŭ jakich jość pierśpiektyva razmnažacca.
[Zredahavana]
[Zredahavana]