U centry Minska pradajuć zavodski korpus za vielizarnyja hrošy
Na aŭkcyjonnaj placoŭcy IPM-Tarhi vystavili na prodaž zavodski korpus u samym centry Minska. Abjekt znachodzicca pa adrasie vuł. Kulman, 1/4, piša Blizko.by.
Heta adzin z karpusoŭ zavoda vyličalnaj techniki imia Ardžanikidze. Hod pabudovy ŭ abjavie nie paznačany, viadomaja tolki ahulnaja płošča łota — 6 205 kvadratnych mietraŭ. Pradaŭcom vystupaje TAA «Mahniet Trejd».
U abjavie adznačajecca, što pieršaje fota maje ilustracyjny charaktar. Miarkujučy pa ŭsim, realny vyhlad budynka na im istotna prycharošany, a aryhinalny zdymak vyhladaje inakš.
U apisańni havorycca, što abjekt vydatna padychodzić dla raźmiaščeńnia ofisa bujnoj kampanii, administracyjnaha centra, składa z ofisnymi błokami, miedycynskaj abo adukacyjnaj ustanovy, a taksama dla kompleksnaj rekanstrukcyi pad kamiercyjnuju nieruchomaść.
Startavaja cana łota składaje 24 339 411,6 rubla.
Krok tarhoŭ — 5%. Akramia taho, pieramožca tarhoŭ pavinien vypłacić arhanizataru tarhoŭ uznaharodžańnie ŭ pamiery 1% ad koštu prodažu łota i apłacić 500 rubloŭ vydatkaŭ.
Kamientary