U jakich žyłych kompleksach možna budzie kupić kvateru ŭ ipateku pad 1%?
U śpisie — «Novaja Baravaja», «Paŭnočny bierah», ale nie tolki.
Niadaŭna stała viadoma, što Biełarusbank zapuskaje ipateku na novabudoŭli pad 1%. Taki minimalny pracent budzie pieršyja dva hady, paśla — 15,4%.
Niekalki zabudoŭščykaŭ užo paviedamili, što ŭ ich možna budzie kupić žyllo na hetaj prahramie.
Kampanija «A-100 Deviełapmient» dazvolić brać takuju ipateku na žyłyja kompleksy «Novaja Baravaja» i «Zialonaja havań» z 13 žniŭnia. Navat u elitnym kompleksie Depo možna pabudavacca ŭ ipateku pad 1%. Jaje možna ŭziać na termin da 20 hadoŭ, a pry žadańni — pahasić daterminova. «Adterminoŭka płaciažu pa asnoŭnym doŭhu składaje 12 miesiacaŭ. Maksimalnaja suma kredytu nie abmiežavana — jana zaležyć ad koštu abjekta, pamieru ŭłasnych srodkaŭ i płaciežazdolnaści kredytaatrymalnika. Pry vykanańni ŭmoŭ kredytavańnia dahavor možna aformić i biez pryciahnieńnia paručycielaŭ», — paviedamiła kampanija.
Da parahramy dałučajucca taksama ŽK «Paŭnočny bierah», «Viaršynia». U apošnim, aproč ipateki ad Biełarusbanka, jość partniorskaja prahrama z BNB-Bankam: 1% hadavych pieršy hod, paśla 16%.
Ipateku daduć i na «Hrand Krystał» u Lebiažym (jaho buduje kampanija «SMU-87»). Vydavać pačnuć z 17 žniŭnia.
U Breście i Hrodnie pad takija ŭmovy možna kupić novaje žyllo ad «Paleśsiežyłbuda».
Kamientary
No ludi biehut brať, dumaja, čto kak rańšie, zarpłaty budut rasti, rubl obieścienivaťsia, a vypłaty po procientam takije žie))