Na barachołkach pierapradajuć papularnyja čypsy Lay’s. Nacenka ŭ dva razy
Na anłajn-barachołkach možna znajści praktyčna ŭsio što zaŭhodna: ad redkich retra-rečaŭ da pierapradadzienych navinak ź biełaruskich kramaŭ. I voś niečakanka.
Niadaŭna na pryłaŭki kramaŭ viarnulisia lehiendarnyja čypsy Lay's sa smakam biełych hryboŭ sa śmiatanaj, a taksama źjaviŭsia novy smak — dalikatny syr ź zialonaj cybulaj, piša Blizko.by.
Na «Kufry» abjaŭ pra prodaž papularnych čypsaŭ usiaho dźvie. Abiedźvie datyčacca Minska. U pieršym vypadku aŭtar prapanuje kupić čypsy ŭ kramie i pieradać ich zakazčyku za 7,99 rubla.
U druhim vypadku čypsy ŭžo pradajuć z ruk za 9,5 rubla
U roźničnych kramach sietak «Jeŭraopt», «7 piatnic» i «Kapieječka» čypsy možna znajści pa cenach ad 3,99 da 4,99 rubla.
Niahledziačy na toje, što ich davoli chutka raskuplivajuć, asartymient pastajanna abnaŭlajecca, tamu naŭrad ci možna nazvać racyjanalnym vykarystańnie starońnich pasłuh pa ich kupli.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary