Saryjuš‑Volski: Jeŭraniest pakul rušyć bieź Biełarusi
Biełaruś nie budzie ŭdzielničać u pieršym pasiadžeńni parłamienckaj asamblei prahramy «Uschodniaha partniorstva».
«Uschodniaha partniorstva» (Jeŭraniest) — paviedamiŭ siabra Biuro hetaj struktury, jeŭradeputat Jacek Saryjuš‑Volski.
«Jość prapanova, kab pieršaje pasiadžeńnie Jeŭraniestu prajšło ŭžo ŭ vieraśni, ale dakładnaja data pakul nie vyznačana», — adznačyŭ jeŭradeputat. Pa jaho słovach, na dniach prajšło pasiadžeńnie Biuro Jeŭraniestu, u jakim pryniali ŭdzieł pradstaŭniki piaci krain, achoplenych prahramaj «Uschodniaha partniorstva», bieź Biełarusi:
‑ Było vyrašana, što Jeŭraniest nie moža być zakładnikam hetaha nievyrašanaha pytańnia biełaruskaha ŭdziełu. Bolšaść ličyć, što Jeŭraniest pavinien pačać svaju dziejnaść, być moža navat bieź Biełarusi.
Byli razmovy z kiraŭnikami delehacyj pa spravach Jeŭraniestu z parłamientaŭ Azierbajdžanu, Armienii, Hruzii, Małdovy i Ukrainy. Nadalej niama parazumieńnia nakont formy ŭdziełu Biełarusi. Pieravažaŭ pohlad, što pavinna być 10 naziralnikaŭ ad Biełarusi pa formule 5+5, ale nie ŭsie z hetym pahadžajucca. Pry hetym usie pahadzilisia, što Jeŭraniest vielmi važny, i my pavinny rušyć napierad, niezaležna ad pytańnia biełaruskaha ŭdziełu. Nad rašeńniem pa Biełarusi budziem nadalej pracavać. Pakul što my płanujem pravieści pieršaje pasiadžeńnie Jeŭraniestu ŭ nastupnym składzie: Jeŭrapiejski parłamient i pradstaŭniki parłamientaŭ piaci krain.
Jak adznačyŭ Jacek Saryjuš‑Volski, padčas pasiadžeńnia vyjaviłasia, što nadalej isnujuć roznahałośsi: ci biełaruskaja delehacyja pavinna być pradstaŭlena tolki deputatami parłamienta, ci taksama pavinny ŭ jej ŭdzielničać pradstaŭniki biełaruskaj demakratyčnaj supolnaści.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary