Pra heta siońnia paviedamiŭ prezident Kazachstana Nursułtan Nazarbajeŭ.
Miždziaržrada JeŭrAzES pryniała rašeńnie ź lipienia zapuścić Mytny sajuz. Pra heta siońnia na pasiadžeńni Miždziaržaŭnaje Rady Jeŭrazijskaj ekanamičnaj supolnaści ŭ pašyranym składzie paviedamiŭ prezident Kazachstana Nursułtan Nazarbajeŭ.
«Samym hałoŭnym dasiahnieńniem 10‑hadovaj historyi JeŭrAzES, biezumoŭna, źjaŭlajecca zaviaršeńnie farmavańnia Mytnaha sajuza. Heta sapraŭdy znamianalnaja padzieja i zaraz, abmiarkoŭvajučy ŭ vuzkim kole hetaje pytańnie, my vyrašyli siońnia padpisać hety dakumient i zapuścić ź lipienia miesiaca Mytny sajuz», — skazaŭ Nursułtan Nazarbajeŭ.
Jon nahadaŭ, što ŭ ramkach Mytnaha sajuza dziejničaje Adziny mytny taryf, pryniaty dahavor ab Mytnym kodeksie.
Akramia taho, užo aktyŭna prapracoŭvajecca pytańnie ab nastupnym etapie intehracyi — farmavańni pravavoj bazy Adzinaj ekanamičnaj prastory.
Pa słovach prezidenta Kazachstana, praz 10 hadoŭ z momantu zasnavańnia JeŭrAzES možna ŭpeŭniena kanstatavać, što heta supolnaść źjaŭlajecca najbolš paśpiachovym intehracyjnym abjadnańniem na postsavieckaj prastory. Nursułtan Nazarbajeŭ vykazaŭ upeŭnienaść, što supolnaść i nadalej budzie adpaviadać samym vysokim standartam u halinie mižnarodnaha supracoŭnictva i ekanamičnaj intehracyi. «Za hety pieryjad JeŭrAzES stała paŭnavartasnym intehracyjnym abjadnańniem z šyrokim mandatam dziejańniaŭ.
Siońnia heta realnaja placoŭka dla pahłybleńnia intehracyi našych dziaržaŭ u ekanomicy, navucy, adukacyi, kultury, sacyjalnaj śfiery i inšych halinach dziejnaści», — adznačyŭ jon.
Akramia taho, Nursułtan Nazarbajeŭ z zadavalnieńniem adznačyŭ, što dziejańni, jakija pryniatyja ŭ ramkach JeŭrAzES, dapamahli ŭ niejkaj stupieni paśpiachova pieražyć suśvietny finansavy kryzis. U hetych metach byŭ stvorany antykryzisny fond, raspracavany i realizujecca płan sumiesnych mieraŭ pa pieraadoleńni niehatyŭnych nastupstvaŭ finansavaha kryzisu.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza13
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary