Сібіга: У дзень нараджэння Пуціна расійскія генералы паднеслі яму ягоны любімы падарунак
7 кастрычніка, у дзень, калі Уладзіміру Пуціну споўнілася 74 гады, Расія масавана атакавала Украіну ракетамі і беспілотнікамі. У выніку загінулі прынамсі шэсць чалавек. Міністр замежных спраў Украіны Андрэй Сібіга адрэагаваў на расійскую атаку ў дзень нараджэння кіраўніка РФ.
«У дзень нараджэння Пуціна расійскія генералы паднеслі яму яго ўлюбёны падарунак — ваенныя злачынствы», — заявіў Сібіга.
Паводле кіраўніка ўкраінскага МЗС, падчас атакі Расія выкарыстала сотні ракет і беспілотнікаў. Удары нанесеныя па жылых дамах і крытычнай інфраструктуры ў Кіеве, Дняпры, Запарожжы, Крэменчугу і Прылуках.
У Кіеве загінулі прынамсі два чалавекі, яшчэ чацвёра — у іншых рэгіёнах краіны.
Сібіга заявіў, што расійскія генералы не кажуць Пуціну галоўнага: той не перамагае ў вайне і «ніколі не пераможа».
«Ён страціў 1,6 мільёна вайскоўцаў забітымі і параненымі, так і не дасягнуўшы ніводнай са стратэгічных мэт свайго ўварвання. Яго павольнае прасоўванне спынілася, а Украіна пачала вызваляць больш тэрыторый, чым яму ўдаецца захапіць. Яго эканоміка занепадае, а ўплыў у свеце слабее. І ўсё гэта таму, што ён адмаўляецца спыніць гэтую вайну», — сказаў міністр.
Пасля атакі Сібіга заклікаў партнёраў Украіны паднесці Пуціну «сапраўдныя падарункі», якія прымусяць яго выбраць дыпламатыю замест вайны. Сярод іх ён назваў узмацненне санкцый супраць расійскага ваенна-прамысловага комплексу, пастаўкі Украіне неабходных сродкаў супрацьпаветранай абароны і энергетычную дапамогу напярэдадні зімы.
«Але яго галоўным падарункам стане месца пад вартай у Гаазе. Мы рыхтуем Спецыяльны трыбунал па злачынстве агрэсіі супраць Украіны да практычнага запуску ўжо ў наступным годзе. Пуцін і яго памагатыя павінны ведаць: адказнасць непазбежная», — заявіў Сібіга.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
[Зрэдагавана]
[Зрэдагавана]