«Treski latuć». Vyjšła kniha pra dziaciej raskułačanych i departavanych biełarusaŭ
Historyk Iryna Ramanava vydała svaju novuju knihu pad nazvaj «Treski latuć. Dzieci śpiecpasialencaŭ: Biełaruś—Kotłas—Biełaruś».
U manahrafii daśledujucca sacyjalna-psichałahičnyja i maralna-etyčnyja nastupstvy raskułačvańnia i prymusovych departacyj u SSSR.
Dziakujučy pryciahnieńniu roznabakovych krynic aŭtarka vychodzić za miežy apisańnia represij i analizuje liminalny status paciarpiełych, miechanizmy kanstrujavańnia «prezumpcyi vinavataści» ŭ savieckim hramadstvie i jaje ŭpłyŭ na žyćciovy šlach tych, chto vyžyŭ, i ich dziaciej.
Daśledčyca razhladaje składanaje pieraplacieńnie dziaržaŭnaha hvałtu, indyvidualnaj identyčnaści, kalektyŭnaj pamiaci i baraćby za hodnaść. Kanceptualizujecca paniaćcie mižpakalennaj tranślacyi traŭmy jak śviadomaha pracesu stvareńnia sensu i sacyjalnaha supracivu.
Tatalitarny hvałt revierbieruje praz pakaleńni, a pamiać stanovicca polem supracivu: pošuk pryznańnia i spraviadlivaści praciahvajecca navat za adsutnaściu instytucyjanalnaha vyrašeńnia.
16 kastryčnika ŭ Vilni z nahody vydańnia hetaj knihi adbudziecca dyskusija. U joj budzie ŭdzielničać, akramia samoj aŭtarki, litaraturaznaŭca Cichan Čarniakievič.
Miesca praviadzieńnia: Tautinių bendrijų namai (Dom nacyjanalnych supolnaściaŭ), Raugyklos g. 25.
Čas praviadzieńnia: 18.15—19.00.
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary