U Rejkjaviku prajšoŭ matč u adkaz pieršaha kvalifikacyjnaha raŭndu Lihi Jeŭropy.
U Rejkjaviku prajšoŭ matč u adkaz pieršaha kvalifikacyjnaha raŭndu Lihi Jeŭropy. Miascovy «Fiułkir» prymaŭ žodzinskaje «Tarpieda».
U pieršaj hulni biełarusy pieramahli 3:0, stvaryŭšy sabie dobry zadzieł na vyjezd u Isłandyi. I da honaru žodzincaŭ, zadzieł hety jany nie razhubili.
Choć isłandcy i adkryli lik ź pienalci na 32‑oj chvilinie. Praŭda, jašče da pierapynku Jury Astravuch adkvitaŭ miač.
U druhim tajmie žodzincy zmahli vyrvać pieramohu. U apošniuju dziesiacichvilinku dva hały zabiŭ ukrainski lehijanier Ihar Kryvabok. Spačatku jon zabiŭ ź pienalci, a potym z hulni. Žodzina pieramahło — 3:1.
U nastupnym raŭndzie supiernikam «Tarpieda» budzie sierbski kłub OFK. 15 lipienia matč projdzie ŭ Sierbii, a praz tydzień — u Biełarusi.
Ź sierbami biełaruskija kamandy apošni raz sustrakalisia ŭ 2004 hodzie. Minskaje «Dynama» ŭ Kubku Intertota pieramahło pa sumie dvuch matčaŭ «Sartyd» ź Śmierdzieva.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary