Hałoŭny trenier zbornaj Biełarusi pa futbole Viktar Hančarenka abviaściŭ skład kamandy na zaklučnyja matčy hrupavoha etapu Lihi nacyj.
Bramniki — Pavieł Paŭlučenka («MŁ Viciebsk»), Fiodar Łapavuchaŭ («CSKA Safija», Bałharyja), Andrej Kudraviec («Dynama Minsk»).
Abaroncy — Kirył Piačenin («Kryły Savietaŭ», Rasija), Zachar Vołkaŭ, Kirył Homanaŭ (abodva — «MŁ Viciebsk»), Hleb Šaŭčenka («Tarpieda Maskva», Rasija), Raman Biehunoŭ, Uładzisłaŭ Kalinin (abodva — «Dynama Minsk»), Ivan Cichamiraŭ («Isłač»), Anton Łukašoŭ («Arenburh», Rasija).
Paŭabaroncy — Maks Ebonh («CSKA Safija», Bałharyja), Valeryj Hramyka, Valeryj Bačaroŭ, Arciom Kancavy (usie — «MŁ Viciebsk»), Alaksandr Sialava («Dynama Minsk»), Arciom Šumanski («Akron», Rasija), Anton Kavaloŭ («Fakieł», Rasija), Kirył Zinovič («Dynama Machačkała», Rasija), Alaksandr Śvirepa («Isłač»).
Napadniki — Vital Lisakovič («Taboł», Kazachstan), Hierman Barkoŭski («Pałonija Varšava», Polšča), Trafim Mielničenka («Portu», Partuhalija), Karen Vardanian («Dynama Minsk»), Cimafiej Simanienka («Homiel»).
12 listapada zbornaja Biełarusi praviadzie vyjazny matč suprać kamandy San-Maryna (22:45), a 15 listapada ŭ naminalna chatniaj hulni prymie ŭ Budapiešcie zbornuju Ałbanii (20:00).
Paśla čatyroch turaŭ situacyja ŭ našaj hrupie nastupnaja: Ałbanija — 9, Biełaruś, Finlandyja — 7, San-Maryna — 0.
Pieramožca hrupy vychodzić u dyvizijon V, a kamanda, što zojmie druhoje miesca ŭ hrupie, budzie hulać pierachodny matč z kamandaj, što finišuje čaćviertaj u adnoj z hup dyvizijona V. Zaraz tam čaćviertyja miescy zajmajuć zbornyja Paŭnočnaj Makiedonii, Hruzii, Izraila i Rumynii.
I ahułam dyvizijon V kudy viesialejšy za panyłotu dyvizijona S, dzie vystupaje Biełaruś.
Tam nastupnymi supiernikami Biełarusi mohuć stać Ukraina, Polšča, Šatłandyja, Bośnija, Šviecyja i Słavienija. Ale heta ŭžo praz dva hady.
A ŭ pačatku śniežnia projdzie losavańnie hrupavoha turniru da čempijanatu Jeŭropy pa futbole, jaki adbudziecca ŭ Vialikabrytanii (Anhlija, Uels i Šatłandyja) i Irłandyi.
Dla adboračnaha turniru buduć sfarmavanyja šeść hrupaŭ pa čatyry zbornyja i šeść pa piać zbornych. 12 pieramožcaŭ hrup aŭtamatyčna kvalifikujucca, a kamandy, što zojmuć druhija miescy i niekalki ščaśliŭčykaŭ ź Lihi nacyj buduć prabivacca praz stykavyja matčy.
-
Hrecki padtrymaŭ admovu Kanady vydavać vizy rasijskim chakieistam
-
17 krain vykazalisia suprać viartańnia chakiejnaj zbornaj Rasii na mižnarodnuju arenu. Tolki Biełaruś vystupiła za
-
Hulec moładzievaj zbornaj Biełarusi pa chakiei prademanstravaŭ svaje linhvistyčnyja zdolnaści. Jon viedaje piać moŭ VIDEA
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2828
Kamientary