Samaja vialikaja biełaruskaja ambasada — u Maskvie, samaja addalenaja — u Buenas-Ajresie
23 lipienia ministr zamiežnych spraŭ Biełarusi, Siarhiej Martynaŭ, pravioŭ naradu z kiraŭnikami zamiežnych pradstaŭnictvaŭ našaj krainy.«NN» vyrašyła pryhadać, dzie ž u śviecie znachodziacca biełaruskija dypłamatyčnyja placoŭki.
Siarod častak śvietu liderstva pa kolkaści biełaruskich ambasadaŭ naležyć, biezumoŭna, Jeŭropie. Z bujnych i važniejšych krain tolki ŭ Ispanii, Narviehii, Finlandyi dy Irłandyi niama biełaruskich dypłamatyčnych pradstaŭnictvaŭ. Da ich dałučajucca taksama nievialikija krainy Bałkanskaha paŭvostrava (akramia Sierbii).
Ź jeŭrapiejskich dyppradstaŭnictvaŭ najbolš razhalinavanuju strukturu maje polskaje — ambasada ŭ Varšavie, hienkonsulstvy ŭ Biełastoku i Hdańsku, a taksama konsulstva ŭ Biełaj Padlašskaj.
Razhalinavanuju strukturu maje taksama ambasada ŭ Hiermanii — centralnaja siadziba ŭ Bierlinie i adździeł u Bońnie. Inšyja biełaruskija dypłamatyčnyja placoŭki ŭ Jeŭropie konsulstvaŭ i adździełaŭ nie majuć. Vyklučeńniem tut jość susiedka Łatvija, dzie Biełaruś maje hienieralnaje konsulstva ŭ Daŭhavpiłsie (Dźvinsku), pobač ź miažoj.
Bolšaść biełaruskich placovak, jakija raźmiaščajucca ŭ Jeŭrazii, znachodziacca ŭ respublikach byłoha SSSR.
Najbujniejšaja ź ich (i ŭvohule, najbujniejšaje biełaruskaje dyppradstaŭnictva ŭ śviecie) raźmiaščajecca ŭ Rasii. Akramia niepasredna ambasady ŭ Maskvie jašče dziesiać adździełaŭ pa ŭsioj krainie — ad Kalininhrada da Chabaraŭska.
Akramia respublik byłoha Savieckaha Sajuza, u Jeŭrazii Biełaruś pradstaŭlena taksama ŭ Japonii, Paŭdniovaj Karei, Kitai, Indyi, Vjetnamie, Siryi, Turcyi, AAE i Izraili.
Aproč hetaha, dypłamatyčnyja placoŭki Biełaruś maje jašče na troch kantynientach — Paŭnočnaj i Paŭdniovaj Amierykach i ŭ Afrycy. Na ŭsich nazvanych macierykach isnuje pa try biełaruskija ambasady. U Afrycy heta pradstaŭnictvy ŭ Jehipcie, Livii i PAR, u Paŭnočnaj Amierycy — u ZŠA, Kanadzie i na Kubie, a ŭ Paŭdniovaj — u Vieniesuele, Brazilii i ŭ Arhiencinie. Apošniaja placoŭka, darečy, źjaŭlajecca samaj addalenaj ad Minska.
Takim čynam, Biełaruś maje svaje aficyjnyja pradstaŭnictvy ŭ 45 dziaržavach sa 192, jakija na dadzieny momant źjaŭlajucca siabrami AAN.U rešcie krain śvietu, zhodna ź miždziaržaŭnym pahadnieńniem, intaresy našaj krainy pradstaŭlaje Rasija.
-
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
-
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
-
U hetym hodzie da Dnia Pieramohi ŭ Hrodnie buduć farsiravać Nioman
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary